Seisoen van ons liefde. Elize Mitchell

nie.

      Maar miskien sal dit tog lekker wees om haar oom en tante vir oulaas te sien. En hulle hoef van niks te weet nie. Daar is geen rede hoekom sy nie vir ’n paar dae daar kan oorbly nie. Sy het mos nou gehoor haar niggie en neef is steeds oorsee en sy sal alleen daar wees.

      Vandat my ouers oorlede is, het ek hulle so min gesien, dink sy. Wat sal ’n paar dae nou saak maak? Miskien is dit die regte ding om te doen, en tant Lilla het heel opreg geklink. Dalk sal hulle my kan help om te besluit waarheen om te gaan.