Kitobxon
Все книги издательства KitobxonШабнам тераётган қуёш
Шоир Амирқул Карим шеърият мухлисларига гўзал, сокин ва туйғубахш дилбар назми билан кўпдан таниш. Маутбуотда бот–бот шеърлари эълон қилинган бўлса–да, ҳанузгача назм шайдоларига ўз шеърларини жамлаб китоб ҳолида тақдим этишга журъат этмаганди. Ушбу китобга шоирнинг «Сенинг гулларинг», «Шабнам тераётган қуёш», «Илинж», «Оқ тунлар», «Кузда гуллаган дарахт» шеърий тўпламлари ва жаҳон шоирлари шеърларидан айрим таржималари киритилди. Ушбу шеърий гулдаста зукко шеърият ихлосмандларига манзур бўлади, деган умиддамиз.
Кўк қушлари
Шоир Амирқул Карим шеърият мухлисларига туйғубахш дилбар назми билан кўпдан таниш. «Кўк қушлари» китобига шоирнинг Ватан, она замин, муҳаббат ва умр моҳияти ҳақида ёзилган сара шеърлари, жаҳон адабиёти дурдоналаридан қилинган таржималари жамланди. Ушбу шеърий гулдаста зукко шеърият ихлосмандларига манзур бўлади, деган умиддамиз.
Амир Темур мақбараси
1941 yilning iyun oyida hukumat ekspedisiyasi tomonidan Samarqanddagi Amir Temur maqbarasida dafn etilgan Sohibqiron Amir Temur, Mironshoh Mirzo, Shohrux Mirzo, Mirzo Ulug'bek, Muhammad Sulton va Bibixonim maqbarasidagi Biixonimning dahmalari ochilgan edi. Fashist bosqinchilari sobiq ittifoq hududiga bostirib kirishi tufayli ekspedisiyaning natijalari to'laligicha yoritilmay qolib ketdi. Bu haqida esa o'zbek tilida birorta ham maqola e'lon qilinmadi. Kitob muallifi mazkur ekspedisiyaning barcha ilmiy ma'lumotlarini va arxiv hujjatlarini chuqur tahlil qilib, Temuriylarning dafn marosimlari, jasad qoldiqlari, qabrtoshlardagi yozuvlar hamda maqbara haqida birinchi marta o'zbek tilida qiziqarli tarzda bayon qilgan. Asar Temuriylar tarixiga qiziqadigan olimlar va keng kitobxonlar ommasiga mo'ljallangan.
Чекишни ташлашнинг энг осон йўли
Ушбу китобни варақлаётган экансиз, демак, чекишни ташлаш фикри сизга бегона эмас. Дунё бўйича 12 миллиондан ортиқ киши мазкур китобда баён этилган усул ёрдамида чекишдан буткул қутулган. Шунингдек, одам қандай қилиб чекувчи бўлиб қолади, чекишни ташлаш чиндан ҳам қийинми каби саволларга муаллиф аниқ ва ишонарли жавоблар қайтарган, чекиш билан боғлиқ янглиш фикрларни тушунтириб берган. Ҳеч иккиланмай китобни охиригача ўқиб чиқинг ва никотин асирлигидан қутулиб, ОЗОД ва СОҒЛОМ инсонга айланинг!
Аҳоли яшаш жойлари кадастри
O'quv qo'llanmada aholi yashash joylarining kadastrini yaratish va yuritishning nazariy hamda ba'zi bir amaliy qirralari yoritilgan. Jumladan, aholi punktlarini joylashtirish va rivojlantirish, aholi yashash joylari kadastri tizimining mazmuni, yеr kadastri tеxnologiyasini tashkil etish va yuritish, yеr va ko'chmas mulklarni ro'yxatga olish, hisobini yuritish va baholashning usullari to'g'risida to'xtab o'tilgan. Qo'llanma oliy o'quv yurtlarining Gеodеziya, kartografi ya va kadastr, Yer tuzish va yеr kadastri, Kasb ta'limi (Yer tuzish va yеr kadastri) yo'nalishlari bo'yicha ta'lim olayotgan bakalavr talabalariga hamda Ko'chmas mulkni baholash va bino inshootlar kadastri mutaxassisliklari bo'yicha ta'lim olayotgan magistrlarga mo'ljallangan.
Лисон ут-тайр / The language of the birds
Алишер Навоийнинг Фаридуддин Атторнинг «Мантиқ ут-тайр» асарига жавобан ёзган ушбу асари кенг китобхонлар оммасига мўлжалланган бўлиб, унда шоирнинг фалсафий дунёқараши бадиий лавҳаларда кенг тасвирланган, достон замондош ёшларимизнинг маънавий ва ҳиссий камолотларига ижобий таъсир кўрсатади, деган умиддамиз."Лисон ут-тайр" арузнинг рамали мусаддаси мақсур (фоилотун — фоилотун — фоилон) вазнида ёзилган бўлиб, 3598 байтдан иборат. Достондаги бош ғоя, бош муаммо тасаввуфдаги имон, эътиқод ва маънавият масалаларидир. Алишер Навоийнинг нияти оддий инсонларга инсонийликнинг илоҳий моҳиятини тушунтириб бериш, уларни оғир синовлардан ўтказиб, комил инсон даражасида кўриш. Шоир асарда қушлар тимсолида тасаввуф йўлига кирган ва Аллоҳни кўришга, унга етишишга астойдил киришган художўй инсонларни тасвирлашга интилган. Ҳудҳуд деган қуш номидан сўйланган юзларча ҳикоялар тасаввуфий мазмунда бўлиб, улар ҳаммаси ҳаётий, бири биридан қизиқарли. Қушларнинг ранг-баранг тимсоллари орқали Алишер Навоий ўзининг тасаввуф таълимоти билан боғлиқ ғояларини, Аллоҳнинг ҳамма нарсанинг ташқарисида эмас, балки ичида, ўзида эканини кўрсатиш ва исботлашга ҳаракат қилади. Инсоннинг улуғворлигини мажозий услуб билан, таъсирли қилиб, реал ижтимоий, ахлоқий ҳодисалар ила боғлаб тасвирлаган. Тасаввуфнинг вахдат ул-вужуд назарияси ҳам шу тарзда ўзининг бадиий инъикосини топган. Бу билан Навоий тасаввуф ғояларини кенг китобхонлар оммасига бадиий куркам ва жонли етказишда олий даражада санъаткорлик кўрсатган.
Ҳайрат ул-аброр. 9-жилд
Buyuk shoir va mutafakkir Alisher Navoiy «Xamsa»sining birinchi dostoni «Hayrat ul-abror» («Yaxshilar hayrati») beshlik yaratish an'analari asosida yaratilgan falsafiy ruhdagi asar bo'lib, unda muallifning hayot va insoniyat, davr va zamonlar, mashhur tarixiy shaxslar, saltanatlar va vorislik, komil insonlar to'g'risidagi qarashlari o'z ifodasini topgan.
Муҳокамат ул-луғатайн (Икки тил муҳокамаси)
Alisher Navoiyning «Muhokamat ul-lug'atayn» asari O'zbekiston Respublikasi Xalq ta'limi vazirligining 2009-yil 7-iyuldagi «Xalq ta'limi muassasalari uchun yaratilayotgan o'quv-metodik, didaktik, multimedia o'quv vositalari va shunga o'xshash tarqatma materiallarni ekspertizadan o'tkazish va ularni ta'lim muassasalarida foydalanishni muvofiqlashtirish to'g'risida»gi 181-sonli buyrug'iga asosan tasdiqlargan Muvofiqlashtiruvchi guruhi tomonidan o'rganib chiqilib, ta'lim muassasalarida qo'shimcha adabiyot sifatida foydalanishga tavsiya etilgan.
Ғазал гулзоридан 100 оташин гул
Qo'lingizdagi kitobda mutafakkir shoir Alisher Navoiyning «Xazoyin ul-maoniy» kitobidagi «G'aroyib us-sig'ar» devonidan o'rin olgan dastlabki 100 g'azalning nasriy bayoni o'rin olgan. Garchi bu xil ifoda usuli bilan shoir qalamiga mansub badiiy durdonalarning g'oyaviy-badiiy nafosatini aks ettirish imkoniyati bo'lmasa ham, bu asar g'azallar mazmunini chuqurroq anglab olishingizga ma'lum darajada yordam beradi, deb umid qilamiz.