Краткий православный молитвослов с пояснениями. Отсутствует

и изба́ви мя от вся́кия мирски́я злы́я ве́щи и диа́вольскаго поспеше́ния[71], и спаси́ мя, и введи́ в Ца́рство Твое́ ве́чное. Ты́ бо еси́ мой Сотвори́тель и вся́кому бла́гу Промы́сленник[72] и Пода́тель, о Тебе́ же все упова́ние мое́[73], и Тебе́ сла́ву возсыла́ю, ны́не и при́сно и во ве́ки веко́в. Ами́нь.

      Молитва иная, того же святого

      Го́споди, И́же мно́гою Твое́ю бла́гостию и вели́кими щедро́тами Твои́ми дал еси́ мне, рабу́ Твоему́, мимоше́дшее вре́мя но́щи сея́ без напа́сти[74] прейти́ от вся́каго зла проти́вна[75]; Ты Сам, Влады́ко, вся́ческих Тво́рче[76], сподо́би мя и́стинным Твои́м све́том и просвеще́нным се́рдцем твори́ти во́лю Твою́, ны́не и при́сно и во ве́ки веко́в. Ами́нь.

      Молитва к Ангелу хранителю

      Святы́й А́нгеле, предстоя́й[77] окая́нней[78] мое́й души́ и стра́стней[79] мое́й жи́зни, не оста́ви мене́ гре́шнаго, ниже́[80] отступи́ от мене́ за невоздержа́ние мое́. Не даждь ме́ста лука́вому[81] де́мону облада́ти мно́ю, наси́льством сме́ртнаго сего́ телесе́; укрепи́ бе́дствующую и худу́ю мою́ ру́ку и наста́ви мя на путь спасе́ния[82]. Ей[83], святы́й А́нгеле Бо́жий, храни́телю и покрови́телю окая́нныя моея́ души́ и те́ла, вся мне прости́, ели́кими тя оскорби́х[84] во вся дни живота́ моего́, и а́ще что согреши́х в преше́дшую нощь сию́, покры́й мя[85] в настоя́щий день, и сохрани́ мя от вся́каго искуше́ния проти́внаго[86], да ни в ко́ем гресе́ прогне́ваю Бо́га, и моли́ся за мя ко Го́споду, да утверди́т мя в стра́се[87] Свое́м, и досто́йна пока́жет мя раба́ Своея́ бла́гости[88]. Ами́нь.

      Каждому христианину при Крещении Бог дает Ангела хранителя, который невидимо оберегает его от всякого зла, помогает делать добро и молится за него перед Богом. Ангел хранитель – небесный друг души; он не может преступить свободу человека, насильно вмешиваться в нашу жизнь, но когда мы расположены к добру и тянемся к Богу, мы чувствуем помощь своего Ангела. Тяжелые грехи отдаляют человека от Ангела хранителя.

      Молитва ко Пресвятой Богородице

      Пресвята́я Влады́чице моя́ Богоро́дице, святы́ми Твои́ми и всеси́льными мольба́ми отжени́[89] от мене́, смире́ннаго[90] и окая́ннаго[91] раба́ Твоего́, уны́ние, забве́ние, неразу́мие, нераде́ние, и вся скве́рная, лука́вая и ху́льная помышле́ния от окая́ннаго моего́ се́рдца и от помраче́ннаго ума́ моего́; и погаси́ пла́мень страсте́й мои́х, я́ко нищ есмь и окая́нен. И изба́ви мя от мно́гих и лю́тых воспомина́ний и предприя́тий[92], и от всех действ злых свободи́ мя. Я́ко благослове́нна еси́ от всех родо́в, и сла́вится пречестно́е и́мя Твое́ во ве́ки веко́в. Ами́нь.

71

Диа́вольскаго поспеше́ния – диавольского содействия (поспеше́ние – помощь в достижении успеха).

72

Промы́сленник – Промыслитель, то есть Тот, Кто создает и направляет всё в мире по Своему замыслу.

73

О Тебе́ же все упова́ние мое́ – в Тебе вся моя надежда.

74

Напа́сть – беда, искушение.

75

От вся́каго зла проти́вна – от всякого вражеского зла.

76

Вся́ческих Тво́рче – Творец всего сущего (выражения вся́ческая, вся тварь употребляются для обозначения всего созданного Богом мира – видимого и невидимого).

77

Предстоя́й – предстоящий.

78

Окая́нней – злосчастной, бедной, исполненной борьбы.

79

Стра́стней – здесь: многострадальной, несчастной (страсть означает «страдание»); впрочем, именно рабство страстям греховным – главный источник несчастий человека.

80

Ниже́ – и не.

81

Лука́вому – злому, лживому.

82

Укрепи́ бе́дствующую и худу́ю мою́ ру́ку и наста́ви мя на путь спасе́ния – в греческом тексте молитвы буквально: «возьми меня за несчастную и опустившуюся (безвольную) руку и выведи меня на путь спасения».

83

Ей – да, воистину (ср. разговорное: «ей-ей»).

84

Вся… ели́кими тя оскорби́х – всё, чем я тебя оскорбил.

85

Покры́й мя – покрой, защити меня.

86

Проти́внаго – противостоящего, вражеского.

87

В стра́се – в страхе (Божием).

88

Досто́йна пока́жет мя раба́ Своея́ бла́гости – явит меня рабом, достойным Своей милости.

89

Отжени́ – отгони.

90

Смире́ннаго – жалкого.

91

Окая́ннаго – несчастного, отверженного.

92

Предприя́тие – замысел, намерение; то, что предшествует действию.