Die AA tot OE van seks. Riette Rust

– volgens jul waardes – positiewe boodskappe oor seks uit. Beslis nie dat dit vuil is of iets waaroor nie gepraat mag word nie.

      Jy kan wel die gevare en risiko’s van seks uitspel, maar lig jou kinders oor alle aspekte daarvan in. Beantwoord vrae soos hulle van jongs af kom. Moenie net die klem op die fisiologiese laat val nie. Jy mag maar vir jou kinders vertel dat seks binne ’n stabiele, liefdevolle verhouding lekker is. Ook dat dit ’n geestelike band tussen die betrokkenes smee.

      Leer jou kind om trots te wees op haar liggaam en vrede te maak daarmee. Dit sal ook goed wees as sy masturbeer om só haar lyf te ontdek voordat sy die eerste keer seks het. Moet haar beslis nie aanspreek as jy dalk op haar sou afkom nie. Sê net: “Ekskuus, ek sien jy wil privaat wees.”

      Indien jy agterkom jou dogter sukkel om ’n tampon te gebruik, moedig haar aan om eers iets kleins, soos ’n oorstokkie, te probeer. Sy behoort dit vir ’n halfuur per dag in te hou en stelselmatig ’n groter (skoon!) voorwerp te probeer, soos die heel kleinste tamponaanbringer. Neem haar na ’n seksuoloog of seksuele gesondheidspraktisyn as sy aanhou sukkel.

      Probeer eerder vaginisme verhoed as dat jou dogter ’n traumatiese eerste sekservaring het.

      4

      ‘HY KRY DIT NIE REGOP NIE’

      __________________

      Impotensie, oftewel erektiele disfunksie

      Ledigheid, seksuele verveling en/of impotensie

      is die diepste diepte van ellende.

      – Christopher Hitchens, Hitch-22: A Memoir