Kitobxon
Все книги издательства KitobxonСултон Исажон. Асарлар. Ҳикоялар. 1-жилд
Исажон Султон – бу ном адабиёт ихлосмандларига яхши таниш. Дўстидай қадрли, сирдошидай қадрдон. Асарлари билан аллақачон қалбимизни забт этган, хаёлимизнинг гулзорларида муаттар ифор таратишга улгурган.Мазкур китобда унинг турли йилларда ёзилган асарлари жамланган. Севимли ёзувчи билан яна дийдорлашиш, асар қаҳрамонлари билан диллашиш, сирлашиш, ёинки баҳсга киришиш завқи муборак бўлсин, азиз китобхон!
Ёш Вертернинг изтироблари
Jahon adabiyoti tarixida muhim o'ringa ega bo'lgan ulug' nemis shoiri Iogann Volfgang Gyote umri so'ngida nasriy asar yozishga jazm etgan. Buning samarasi o'laroq «Yosh Verterning iztiroblari» romani dunyoga kelgan. Roman yosh ko'ngillarning zavq-shavqi, iztirobi, qaynoq muhabbati haqida.
Ватан омон бўлсин!
"Ватан омон бўлсин!" номли мазкур тўплам орқали мустақиллик ҳимоясида мардларча ҳалок бўлган қаҳрамонлар ҳақида «Ватанпарвар» газетасида чоп этилган қисса ҳамда мақолалардан иборат. Барча тоифадаги ҳарбий хизматчилар ва ёшларни мустақилликни мустаҳкамлаш, юрт тинчлиги, Ватан ҳимояси йўлида эзгу ва хайрли ишларга ундовчи ушбу китоб кенг ўқувчилар оммасига мўлжалланган.Ватанни жонидан азиз билган бу қаҳрамонлар ҳаёти барчамизга ибрат бўлсин. Улардан мерос жасорат, садоқат, матонат мудроқ юракларни уйғотсин.
Императорнинг туғилиши
Буюк юртдошимиз, шоҳ ва шоир Заҳириддин Муҳаммад Бобур ҳаёти ва ижоди тўгрисида дунё миқёсида кўплаб асарлар яратилган бўлса-да, ул зотнинг Андижон заминида кечган бахтли болалик даври кам ёритилган мавзу ҳисобланади.Мазкур асар (узвий боғланган) 13 та ҳикоядан иборат бўлиб. Бобур Мирзонинг туғилган кунидан то Андижон тахтига ўтирган пайтигача ўтган 12 йиллик даврни ўз ичига олади. Ҳикояларда валиаҳд Бобур Мирзонинг тийнатига хос хислатлари ишонарли тарзда очиб берилганКитоб улуғ юртдошимиз Бобур Мирзонинг чин мухлислари, талаба ёшлар, кенг китобхон оммасига мўлжалланган.
Беғубор дунё
Yosh ijodkor Dildora Toshevaning nasrdagi urinishlarida izlanish, harakat, o'ziga xoslik bor. Tengdosh o'quvchilar uchun tarbiyaviy ahamiyatga ega. Dildoraning mazkur kitobchasi yosh o'quvchilarga manzur bo'ladi, degan umiddamiz.
Азим чинорлар паноҳи
Ёзувчи, публицист Дадахон Нурийнинг ушбу китобида адабиётимизнинг улуғ салафлари – меҳрибон ва мушрик устозлар муҳаббати билан эсланади, ўзига хос завқ, шавқ билан тасвирланади.
Овсин пахта отади
Kitobda, Gulsara Ibodullohning boshidan kechirgan voqea-hodisalari, ruhiy kechinmalari jamlangan. Ushbu hayotiy hikoyalarda adolat, iffat, or-romus, halollik va vijdonlilik qalamga olingan. Muallifning turmushning turli xil qiyinchiliklari va sinovlaridan chiqargan xulosalari siz muxlislarga manzur bo'ladi degan umiddamiz.
Қасоскор қиз қасами
Насрда баракали ижод қилаётган Боқий МИРЗО қўлингиздаги китобига кейинги йилларда яратган қиссалар, эсселар ва ҳикояларини жамлаган. Ёзувчи ҳаётни ўзига хос идрок қилади, дунёга келишдан мақсад эътиқод ва истеъдодини намоён қилиш учун Аллоҳ пешонага ёзган тақдир аломатларини сезиш ва унга амал қилиш лозимлигини кичик деталлар орқали эслатгандай бўлади. Ҳаётда қоқилган, ёзув ниятига етиш учун ҳар қандай пасткашликдан, қайтмайдиганлар туфайли ор-номусини бой берган, аммо ўз ғурури ва яхшиликка интилиши билан бир-бирининг меҳрини қозонган одамлар кўп, ёнидаги дўстининг ёки турмуш ўртоғининг иллатларини йўқотиш учун хатолар қилиб бўлса ҳам кураш олиб бораётган, инсоний қадрини топиш учун турли кўчаларга кириб чиқаётган замондошларимиз ҳам кам эмас, ўз истеъдоди, фидоийлиги ва халққа хизмати билан одамлар дилидан жой олганлардан ташқари, фожеаларга ҳамда оғир кунларга дучор бўлиб, гоҳ иродаси букилган, гоҳ сабр-тоқат билан ғам-аламлар ва қийинчиликлар устидан ғолиб келган одамлар ҳам талайгина. Ёзувчи ўз асарларида бу қисматлар ҳақида ҳаётий воқеалар асосида ҳикоя қилишга интилган.