Пособие ко оправданию. В гонении и всяком скорбном обстоянии сущим. Игорь Храмов-Тесёлкин

жития нашего ВсемилостиваяУстроительнице!

      Радуйся, Всемилостивая Владычице, всех обидимых Покровительнице!

      Кондак 5

      Боготечней звезде подобна явися икона Твоя, Богородице, иже пред нею князь Игорь скорби свои изливал есть. Мы же, подражая ему, о таковом сокровище благодарим, Богу вопиюще:

      Алиллуйя!

      Икос 5

      ВидящеТя, яко скорую вверженных в скорбь Заступницу и обидимых Покровительницу, все скорбями одержимии и узами тяжких житейских обстоянийобремененнии к Твоему заступлению прибегают, о Всемилостивая наша Владычице, и по всесильному Твоему заступничеству В скорбях и печалях Утешение, в болезнях исцеление и скорбей на радость преложениеобретая, вопиют Благословенней:

      Радуйся, всяческия скорби избавление!

      Радуйся, всех печалей утоление!

      Радуйся, ключу воды живой, сострадания исполненный!

      Радуйся, милосердияисточниче, открытый всем жаждущим утешения!

      Радуйся, во всяком скорбном обстояниивсемилостивое прибежище!

      Радуйся, всем в скорбях пребывающим неисчерпаемое милости сокровище!

      Радуйся, всех страждущихза правду МилостиваяУтешительнице!

      Радуйся, обидимыхи от жестокосердных терпящих Усердная Защитнице!

      Радуйся, Всемилостивая Владычице, всех обидимых Покровительнице!

      Кондак 6

      Проповедницы славнии милости Твоея все исцеленнии и утешеннии Тобою быша, иже,

      улучившии Твоя богатыя милости, поют Богу о Тебе:

      Аллилуйя!

      Икос 6

      Возсиялеси в келии славного страдальца благоверного князя Игоря дивный образ Твой, Богомати, яко славное просвещение истины, к нему же все обремененнии в скорбях, печалях и болезнях прибегают, сих же избавльшеся, вопиют к Богородице:

      Радуйся, в терпении нести свой крест нас научающая!

      Радуйся, от погибели отчаяния спасающая!

      Радуйся, в терпении скорбей нас твердо укрепляющая!

      Радуйся, в стяжании Царствия Христова нам смысл жизни полагающая!

      Радуйся, всем ищущим премудрости славное просвещение Истины!

      Радуйся, тайны спасения всем верным, ищущим Пути Христова, открывающая!

      Радуйся, на Пути Христовом в Царствие Небесное всемилостиво укрепляющая!

      Радуйся, неправедно гонимых и обидимых от скорбей и печалей избавляющая!

      Радуйся, Всемилостивая Владычице, всех обидимых Покровительнице!

      Кондак 7

      Хотяще от бед и скорбей совершенное избавление получити, все вернии к ходатайству Твоему прибегают, о Всемилостивая Владычице, В скорбях и печалях Утешение и полное их избытие по ходатайству Твоему получая, зовут:

      Аллилуйя!

      Икос 7

      Новую сокровищницу Божественныя благодати показа икону Твою Господь, пред ней же святый князь Игорь, смертного часа чая, пав в слезах, во время Бескровной Жертвы Господней, тако молился: «Господи!