Liber ordinum de la diòcesi de València (1463-1479). AAVV

      Tonssura Luce Vidal

      Die mercurii decimaseptima menssis augusti anno predicto a Nativitate Domini [millesimo] .CCCCº. sexagesimo tercio, prefatus reverendus in Christo pater dominus Michael, Dei gracia episcopus Christonopolitanus, in domo habitacionis sue quam fovet in dicta civitate valentina, de licencia prefati reverendissimi domini cardinalis et episcopi Valentini sibi data, tonssuravit Lucam Vidal, scolarem, filium Bernardi Vidal, textoris, Valencie, litteratum et de legitimo matrimonio natum.¹²

      Tonssura Gasparis Mollà

      Die iovis .XVIII. augusti anno predicto millesimo quadringentesimo sexagesimo tercio, reverendus in Christo pater dominus Michael, Dei gracia episcopus Christonopolitanus, in domo sua predicta, de licencia superius continetur, tonssuravit Gasparem Mollà, filium Bonastri Mollà, vicini de Albayda, Valentine diocesis, litteratum et de legitimo matrimonio natum.¹³

      ||^2r Tonssura Jacobi Ametler

      Die sabbati vicesima menssis augusti anno predicto a Nativitate Domini millesimo quadringentesimo sexagesimo tercio, predictus reverendus pater dominus Michael, Dei gracia episcopus Christonopolitanus, in domo sua quam fovet in predicta civitate valentina, de licencia predicta, tonssuravit Jacobum Ametler, scolarem, filium Berengarii Ametler, loci de Puçol, diocesis Valencie, litteratum et de legitimo matrimonio procreatum.¹⁴

      Tonssura fratris Galcerandi Cifres, ordinis sancti Hieronimi

      Die sabbati vicesima menssis augusti anno predicto .Mº.CCCCº. sexagesimo tercio, prefatus reverendus pater dominus Michael episcopus Christonopolitanus, in domo sua predicta, de licencia prelibati reverendissimi domini cardinalis et episcopi Valentini, tonssuravit venerabilem ac honestum fratrem Galcerandum Cifre, ordinis ac monasterii Sancti Geronimi, in termino ville Gandie constructi, filium magnifici Johannis Cifre, militis quondam, litteratum et de legitimo matrimonio procreatum.

      Tonssura Jacobi Sòria

      Die martis vicesimatercia menssis augusti anno predicto .Mº.CCCCº.LXIIIº., prefatus reverenduss pater dominus Michael, Dei gracia episcopus Christonopolitanus, in domo sua quam fovet in predicta civitate calentina, de licencia ut premittitur generaliter sibi data, tonssuravit Jacobum Sòria, scolarem, filium Nicolai Sòria, habitatoris ville Muriveteris, litteratum et de legitimo matrimonio procreatum.¹⁵

      Tonssura Thome Çamorera

      Dicta die martis vicesimatercia menssis augusti anno predicto millesimo quadringentesimo sexagesimo tercio, predictus reverendus dominus Michael, episcopus Christonopolitanus, de licencia ut premittitur sibi data, in domo sua predicta, tonssuravit Thomam Çamorera, filium Martini Çamorera, aluderii, Valencie, litteratum et de legitimo matrimonio natum.¹⁶

      Tonssura¹⁷ Bernardi Sancho

      Die iovis vicesimaquinta menssis augusti anno predicto millesimo quadringentesimo sexagesimo tercio, predictus reverendus pater dominus Michael, Dei gracia episcopus Christonopolitanus, in domo sua quam fovet in civitate valentina, de licencia ut premittitur generaliter sibi data, tonssuravit¹⁸ Bernardum Sancho, filium Ludovici Sancho, apothecari, civisque Xative, litteratum, cum quo honorabilis vir dominus Jacobus Exarch, decretorum doctorem, canonicum Sedis Valentina, reverendissimi in Christo patris et domini, domini Roderici, miseracione divina cardinalis et episcopi Valentini, vicariusque in spiritualibus et temporalibus generalis, auctoritate ordinaria dispenssavit¹⁹ super defectum quem patitur de soluto genitus et soluta de quaquidem dispenssacione patet ut in Libro collacionum huius anni sub die presenti.²⁰

      Tonssura Johannis Amat

      Dicta die iovis vicesimaquinta menssis augusti anno prefixo, millesimo quadringentesimo sexagesimo tercio, predictus reverendus pater dominus Michael, Dei gracia episcopus Christonopolitanus, in domo sua predicta, de licencia ut premititur sibi generaliter, tonssuravit Johannem Amat, filium Raymundi Amat, loci de l’Alcúdia, diocesis Valencie, litteratum et de legitimo matrimonio procreatum.²¹

      ||^2v Tonssura Gasparis Onofre Antist

      Die martis tricesima menssis augusti anno predicto a Nativitate Domini millesimo quadringentesimo sexagesimo tercio, prefatus reverendus pater et dominus Michael, Dei gracia episcopus Christonopolitanus, in domo sua predicta, de licencia generaliter sibi data, tonssuravit Gasparem Onofri Antist, filium discreti Jacobi Antist, presbiteri, cum quo Gaspare Onofri honorabilis vir dominus Jacobus Exarch, vicarius generalis valentini auctoritate ordinaria dispenssavit super defectum quem patitur de presbitero genitus et moniali non professa, constat enim de huiusmodi dispenssacione ut in Libro collacionum anni presenti sub die ista presenti.²²

      Tonssura Ludovici Monyoz

      Die veneris secunda menssis septembris anno predicto a Nativitate Domini millesimo quadringentesimo sexagesimo tercio, prefatus reverendus pater dominus episcopus Christonopolitanus, in domo sua quam fovet in dicta civitate, de licencia generaliter sibi data ut superius habetur, tonssuravit Ludovicum Monyoz, filium Ludovici Monyoz, fusterii, Xative, litteratum et de legitimo matrimonio natum.²³

      Tonssura Michaelis Eximénez, ville Aliquantis

      Anno a Nativitate Domini millesimo .CCCCº. sexagesimo tercio, die .XV., sabbati, tercia menssis septembris, coram honorabili et circunspecto viro domino Petro de Vilarrasa, decretorum doctore, canonico et decano sedis Valentine, reverendissimi in Christo patris et domini, domini Roderici, miseracione divina tituli Sancti Nicolai in carcere Tuliano sacrosancte Romane Ecclesie diaconi cardinalis et episcopi Valentini, comparuit Michael Gòmiz in subinsertis litteris nominati et presentavit eidem quandam papiream litteram honorabilis Ludovici de²⁴ Salzelle, in decretis baccallarium, in spiritualibus et temporalibus vicarii generalis in ecclesia et diocesi Cartaginensi, pro reverendissimo domino et episcopo Cartaginensi, sigillo dicti domini episcopi in earum dorsso sigillata huiusmodi sub tenore:

      «Reverendissimis seu reverendis in Christo patribus ac dominis, dominis Dei et Apostolice Sedis gracia archiepiscopis, episcopis ad quem vel ad quos presente littere pervenerint, Ludovicus de Salzelle, in decretis baccallarius, in spiritualibus et temporalibus vicarius generalis in ecclesia et diocesi Cartaginensi per reverendum in Christo patrem et dominum, dominum Luppum, eadem gracia Cartaginensem, illustrissimi ac serenissimi domini nostri regis Castelle et Legionis auditorem, necnon excellentissime domine nostre regine maiorem²⁵ cancellarium, reverentiam debitam et honorem paternitate vestra suplico ac exoro quatenus cum vos aut aliquem vestrum in vestra diocesibus statutis a iure temporibus generales vel particulares ordines celebrare contigerit, dilectum meum Michaelem Eximènes, filium Genesii Eximènes et Marie, eius legittime uxoris, habitatorum ville de Alaquant dicte diocesis, quem ad vos legittimum et examinatum transmitto ad primam clericalem tonssuram dignemini promovere et pro ipsius promocione vestras, si placet, testimoniales litteras in forma solita eidem concedere. In cuius rei testimonium presentes litteras meo nomine et sigillo dicti domini episcopi munitas eidem Michaeli duxi concedendas.

      Datum et actum in dicta villa Alicantis, decimasexta mensis octobris, anno a Nativitate Domini millesimo .CCCCº. sexagesimo secundo.

      Vestrae reverendae paternitatis devotis filii.

      (Rúbrica) Ludovicus, bachallarius et vicarius generalis (rúbrica).

      (Rúbrica) Bernardus Sancii, appostolicus notharius (rúbrica).»

      Quibusquidem litteris sic ut premittitur presentatis incontinenti dictus honorabilis dominus Petrus de Vilarrasa, vicarius generalis, qui suppra dixit quod eas recipiebat et recepit ut decet offerens se paratum contenta ||^3r in eisdem preinsertis litteris adimpleri facere. Et sic admisit predictum Michaelem Eximénez ad primam clericalem tonssuram, remittendo illum ad reverendum patrem dominum Michaelem, Dei gracia episcopum Christopolitanum, qui loco ac vice prefati reverendissimi domini cardinalis et episcopi Valentini, vigore per²⁶ eundem dominum cardinalem et episcopum in et super hiis generaliter sibi date, prefato Michaeli²⁷ clericalem tonssuram conferat ut est moris.

      Proxime dictis die et anno prefatus reverendus pater dominus episcopus Christonopolitanus tonssuravit dictum Michaelem Eximénez cui fuerit dessuper expedite ac