Kitobxon
Все книги издательства Kitobxon
Таълим фалсафаси ёки таълим-тарбиянинг методологик масалалари
Ushbu monografiyada ta'lim falsafasi tushunchasining mazmunmohiyati, ta'lim falsafasining pedagogik tadqiqotlar metodologiyasi sifatidagi ahamiyati va roli, Prezidentimiz Islom Karimovning ta'lim falsafasi rivojiga qo'shayotgan ulkan hissasi, u yaratgan ta'lim-tarbiya yangi tizimning mohiyati, Yurtboshimiz falsafiy jihatdan asoslab bergan O'zbekiston ijtimoiy-iqtisodiy va ma'naviy taraqqiyotining pedagogik muammolari va ularni hal etish yo'llari haqidagi g'oyalari hamda yosh avlodni aqliy, ma'naviy, axloqiy, huquqiy, mafkuraviy, iqtisodiy, jismoniy tarbiyalashga oid yangicha metodologik yondashuvlari yoritilgan. Hozirgi globallashuv jarayonlari va modernizatsiyalashgan jamiyatda ta'lim-tarbiyaning o'rni, jamiyat ijtimoiy-iqtisodiy, ma'naviy hayotidagi o'zgarishlarning ta'lim-tarbiyada aks etishi masalalariga ham alohida e'tibor qaratilgan.
Чингиз Айтматов - буюк ёзувчи, камтарин инсон, содиқ дўст
Китоб ХХ асрнинг иккинчи ярми – ХХI аср бошларида яшаб ижод қилган буюк ёзувчи, жамоат ва давлат арбоби, гуманист, дунёда тинчлик учун толмас курашчи Чингиз Тўрақулович Айтматовнинг адабий ва шахсий портретига бағишланган. Китобда ёзувчининг серқирра фаолияти чуқур таҳлил қилинган; ёзувчи ижодининг географияси кўрсатилган, яъни унинг китоблари дунёдаги неча мамлакатда, қанча марта, қайси тилда, қанча тиражда нашр этилгани, буюк кишиларнинг, улкан мунаққидларнинг, ўзбек зиёлиларнинг, дунё китобхонларининг Чингиз Айтматовнинг шахси ва ижоди ҳақидаги фикрлари келтирилган. Ёзувчининг асарларда тилга олинган ҳикматларидан намуналар босилган; халқлар дўстлигига алоҳида урғу берилган; Чингиз Айтматовнинг ўзбек-қирғиз дўстлиги байроқдори эканлиги таъкидланган; ўзбек-қирғиз дўстлиги тарихи ва абадийлигига насрий ва назмий исботлар чоп этилган. «Сўнмас қуёш» бобида дунёнинг ёзувчи билан видолашиши ҳақида материаллар босилган.
Мустаҳкам оила - миллат таянчи
Маънавий-маърифий тарбиянинг муҳим қирралари ёритилган ушбу рисола «Мустаҳкам оила йили»га ҳамда Ўзбекистон Республикаси Конститутциясининг 20 йиллигига бағишланиб, унда ёшлар маънавияти, уларни мустақил ҳаётга тайёрлаш, «Оила, мактаб, маҳалла ҳамкорлиги»ни кучайтириш каби мавзулар ёритилган…
Бадиий фотографияда юрт мадҳи
Муаллиф ўзбек бадиий фотографиясининг тарихи ва мустақиллик йилларидаги тараққиёти, санъат кошоналарида нур ва соя чизгилари орқали мафтункор гўзал диёримизни мадҳ этаётган фоторассомларнинг ранг-баранг асарлари ҳақида тўлқинланиб ҳикоя қилади.Ушбу китоб замонавий ўзбек бадиий фотографиясига қизиқувчи китобхонларга мўлжалланган.
Бухоро Амирлигининг олтин хазинаси
Истиқлол қаддимизни ростлаб, ақлимизни пешлаб қарамликдан озод этди. Ўзлик, тафаккур ва маънавиятимизнинг тикланиши тарихимизнинг қора деб кўрсатилган жиҳатларини тўғри англашимиз, махфийликка маҳкум этилган воқеликнинг рўёбга чиқаришимиз имконини берди. Ушбу тадқиқот мана шу буюк имконият маҳсули – муаллифнинг кейинги бир неча йиллик изланишлари самараси ила дунёга келди. Унда Бухоро амирлигида чоракам икки аср давомида тўпланган беҳад катта ва беҳисоб олтин хазинасининг қисман тарихи ва тахминий миқдори, тақдир ва қисмати тарихий ҳужжат ҳамда чоп этилган бошқа манбалар асосида биринчи маротаба илмий жиҳатдан ўрганилиб, умумлаштирилган. Шунинг билан бирга хазина ҳақидаги ҳар хил мақсадда тарқатилган ёлғон ва уйдирмалар имкон даражасида таҳлил қилиниб, тарих фанига ҳозиргача маълум бўлмаган, хазина билан боғлиқ қизиқарли маълумотлар ҳам берилган.Мазкур монографик асар илмий-оммабоп усулда ёзилган бўлиб, ўз мазмуни ва моҳиятига кўра, тарихчи ва иқтисод тарихи мутахасислари, банк ва молия ходимлари, тадбиркорлар, олий ўқув юртлари талабалари, умуман кенг китобхонларнинг илмий-маънавий эҳтиёж ва талабларини қондиришга хизмат қилади, деган умиддамиз.
Хатар чангалида
Ушбу асар одам савдоси билан боғлиқ воқеаларни қамраб олган. Олис юртларда бошига мусибат тушган кишилар кечмишлари ўқувчини бефарқ қолдирмайди. Кимлардир ўзга юртларда кўз кўриб, қулоқ эшитмаган ҳолатларга тушаётгани ҳамда оила, Ватан нақадар лазиз ва муқаддаслигини англаб етаётгани ҳақидаги бу асар сизда қизиқиш уйғотади деган умиддамиз.Қисса ҳаётда учраб турган воқеалар асосида ёзилган бўлиб, ёзувчининг бадиий тўқималари билан янада бойитилган. Ижодкор ўз асари орқали китобхонни бу каби хатар билан боғлиқ жараёнларга ҳеч қачон лоқайд бўлмасликка ундайди.
Сурхонимнинг азим чинорлари
…Ёш ижодкор навбатдаги тўпламини Она Ватан тараққиёти учун фидокорлик билан меҳнат қилаётган, турли касб эгалари бўлган юртдошларимизга бағишлаган…
Келажак эгалари
Bugungi kunda mamlakatimiz hayotining ajralmas qismiga aylanib ulgurgan o'rta maxsus, kasb-hunar ta'lim muassasalari orasida tibbiyot kollejlarining o'rni va nufuzi alohida. Sog'liqni saqlash tizimiga o'rta tibbiyot xodimlari, hamshiralarni tayyorlab etkazib berishdek mas'uliyatli vazifani ado etib kelayotgan bu bilim maskanlarida yaratilayotgan shart-sharoitlar va imkoniyatlar yoshlarning e'tiborini o'ziga tortmoqda. Qo'lingizdagi mo''jaz risolada o'zlarining ibratli faoliyatlari bilan nafaqat tuman yoki Qoraqalpog'iston Respublikasida, ayni paytda butun yurtimizda dong taratib kelayotgan, kadrlar tayyorlash tizimida samarali faoliyat ko'rsatayotgan 1-Qo'ng'irot tibbiyot kolleji va To'rtko'l tibbiyot kollejining bugungi qaynoq hayoti haqida hikoya qilinadi.
Буғдойбўй ватан
Ўзбекистон халқ шоири Сирожиддин Саййиднинг ушбу китобига унинг бадиий-публицистик мақолалари, бадиа ва суҳбатлари киритилди. Китобнинг «Офтобтахтим менинг, ойтахтим менинг» номли фасли шоирнинг она диёримиз истиқлолининг илк давридан ҳозирга қадар ёзган, Ватан ҳақидаги энг сара шеърларидан тартиб берилди. Шоир туғилган тупроғи, она юрт ҳақида авж пардаларида, фахр ва ғурур билан куйлайди. Унинг дил изҳори бўлмиш мазкур тўплам азиз ўқувчиларни бефарқ қолдирмайди деган умиддамиз.–O'zbekiston xalq shoiri Sirojiddin Sayyidning «Bug'doybo'y Vatan» kitobiga uning asosan keyingi yillarda yozilgan badiiy-publisistik maqolalari, badia va suhbatlari kiritildi. Kitobning «Oftobtaxtim mening, oytaxtim mening» nomli fasli shoirning ona diyorimiz istiqlolining ilk davridan hozirga qadar yozgan, Vatan haqidagi eng sara she'rlaridan tartib berildi. Shoir tug'ilgan tuprog'i, ona yurt haqida avj pardalarda. Faxr va g'urur bilan kuylaydi. Uning dil izhori bo'lmish mazkur to'plam aziz o'quvchilarni befarq qoldirmaydi degan umidimiz bor.