Kitobxon
Все книги издательства KitobxonШоҳи Зинда
Маълумки, 2004 йилнинг 16 июнида Ўзбекистон Республикаси Вазирлар Маҳкамасининг "Шоҳи Зинда ёдгорлик мажмуасида қайта тиклаш ва ободонлаштириш ишларини ташкил этиш тўғрисидаги Қарори эълон қилиниб, унда бажарилиши лозим бўлган вазифалар аниқ кўрсатиб берилган, шунингдек, бу борада матбуотда маълум ишлар қилиниши ҳам алоҳида таъкидланган эди.Қўлингиздаги тарихий, илмий-маърифий асар шу йўлдаги ажойиб саъй-ҳаракатлардан биридир. У содда, равон тилда, кенг китобхонлар оммасини эътиборга олган ҳолда ёзилгани билан, шунингдек, олис тарихимаз ҳақида ўзига хос тарзда қимматли маълумотлар бера олиши билан ҳам диққатга сазовордир.Ўзбек, араб, инглиз ва рус тилларида битилган мазкур асарнинг катта-ю кичикка бирдек манзур бўлишига ишончимиз комил.
Темурий ижодкорлар
Маълумки, темурийлар орасидан ўттиздан ортиқ ижодкорлар етишиб чиққан, лекин шу кунгача мазкур шахслар ҳақида тўплам, тазкира ёки ихчам рисола деярли йўқ ҳисоби эди. Ўзининг «Турон тунлари», «Вафо маликаси», «Шоҳи Зинда», «Улуғ Амир ўгитлари», «Амир Темур ҳақида ҳикоялар», «Қора Шаҳзода», «Баҳоуддин Нақшбанд ёхуд Бўроқ водийси» қиссаси, «Одамнинг яхшиси» каби тарихий-бадиий асарлари билан сизларга яхши таниш бўлган ёзувчи Тўлқин Ҳайит ана шу сермашаққат ишни амалга оширди. Мазкур рисолани кенг китобхонлар ҳамда ўқув юртларининг муаллимлари, ўқувчилари, талабалари қизиқиш билан кутиб оладилар, деган умиддамиз.
Капалаклар олами
Bilimlar saltanatiga xush kelibsiz, aziz bolajon!Siz olamni bilishni istaysiz, atrofingizdagilarni savollarga ko'mib tashlaysiz. Ammo doim ham ularga to'la javob ololmaysiz. Sizning savollaringizga, mana, biz javob beramiz. Sizga taqdim etilayotgan ushbu kitob dono do'stingiz bo'lib qolishiga ishonamiz!
Буюкларга бешик бўлган Ахсикент
Кенг китобхонлар оммасига мўлжалланган бўлиб, ушбу рисолада Фарғона водийсининг қадим пойтахти Ахсикент ёдгорлиги ва шу замин номидан ўзларига нисба олиб ижод қилган юртдош – алломаларимиз тўғрисида фикр юритилади. Шунингдек, рисолада Ахсикент ёдгорлигининг қисқача тарихи, шаҳарсозликнинг меъморий ечимлари – меъморларнинг муҳандислик маҳорати, топонимикаси ҳақидаги маълумотлар берилади.Ушбу китобни яратишда Мисрлик тадқиқотчи доктор Абдуллоҳ Саад томонидан тузилган «Ўрта Осиё олимлари қомуси» асаридан кенг фойдаланилди. Мазкур асар 2007 йилда сиёсий фанлари доктори, профессор Зоҳидилла Мунавваровнинг масъул муҳаррирлиги остида чоп этилган бўлиб, муаллифлар жамоаси таниқли олимимизга бу борада ўзларининг самимий миннатдорчиликларини изҳор этадилар.
Иқтисодиёт назарияси 1-қисм
Mazkur qo'llanma iqtisodiyotni nazariy jihatdan o'rganishda jahon tajribasidan kelib chiqib, iqtisodiy kategoriyalar, bozor iqtisodiyotining qonuniyatlari, amal qilish mexanizmi, iqtisodiy jarayonlar dinamikasini o'zlashtirishni yengillashtirish, fanning mazmunini chuqurroq tushunishga yordam berish maqsadida tayyorlangan. Qo'llanmada iqtisodiyotdagi asosiy masalalar, muammolar, yetakchi nazariy maktablar, yo'nalishlar va ularning namoyandalari fikrlari, konsepsiyalari hisobga olingan. Unda iqtisodiyot nazariyasi fanining o'quv dasturda o'rganish ko'zda tutilgan barcha mavzulari qamrab olingan. Qo'llanma mantiqan bir-biri bilan bog'langan ikki qismdan iborat bo'lib, unda iqtisodiyotning umumiy asoslari va bozor iqtisodiyotiga oid ko'rgazmali va tarqatma materiallar berilgan. Qo'llanmani tayyorlashda Respublika Prezidenti I.A.Кarimov asarlaridan, Respublika qonunlari va boshqa me'yoriy-huquqiy hujjatlardan hamda mamlakat iqtisodiy hayotiga tegishli rasmiy statistik ma'lumotlardan o'z o'rnida foydalanilgan. Qo'llanma oliy o'quv yurtining barcha yo'nalishdagi bakalavrlari va iqtisodiyot nazariyasi fanidan dars beruvchi o'qituvchilarga mo'ljallangan. Shu bilan birga undan magistratura talabalari, tadqiqotchilar va hozirgi zamon iqtisodiyot nazariyasining muammolarini o'rganishga qiziquvchi kitobxonlar foydalanishi mumkin.
Математика дарслари 5-синф
Ushbu metodik qo'llanma 5-sinf «Matematika» darsligi va uzviy lashtirilgan dastur asosida yozilgan bo'lib, o'qituvchilarga va pedagogika oliy o'quv yurtlari talabalariga mo'ljallangan. Unda o'quv jarayonini tashkil etish, matematika darslarida axborot-kommunikatsion, innovatsion-pedagogik texnologiyalardan foydalanish, o'quvchilarning davlat ta'lim standartlari asosida o'zlashtirishi lozim bo'lgan bilim, ko'nikma va malakalarini baholash, matematikaga oid qiziqarli masalalar, qo'shimcha mashqlar, didaktik materiallar to'plami berilgan.
Кичкинтойларга 200 та ҳаракатли ўйинлар
Taqdim etilayotgan ushbu qo'llanma maktabgacha hamda boshlang'ich ta'lim muassasalari uchun harakatli o'yinlardan iborat. Albatta, bu o'yinlar ermak uchun o'ynalmaydi. Chunki bu zukko xalqimizning asrlar mobaynida jamlagan ma'naviy javohirlari majmuasidir. O'zbek elining donishmandligini qarangki, har bir o'yin avvalo sodda, aqlni peshlaydigan, qiziqarli tuzilgan bo'lib, uning mag'zida milliylik, mehr oqibat, jasorat, mardlik, vatanparvarlik tuyg'ulari singdirilgan. Ta'lim va tarbiyaning bunday uyg'unligi yetuk insonni tarbiyalash uchun dasturulamal vazifasini o'taydi.
Буюк бағрикенглик: ўзбек-япон дўстлигига кўприк бўлган Ангрен
Мазкур бадиий – публицистик рисолада Иккинчи жаҳон уруши йилларида тақдир тақозоси билан вақтинчалик Ўзбекистонга олиб келинган япон фуқаролари, уларнинг ўзбеклар билан елкама-елка Ангрен шаҳрини бунёд этишдаги фаол иштироки, ўзбек халқининг бағрикенглиги, ўзбеклар қалбига муҳрланган япон характери, ўша уқубатли йилларда синовдан ўтган ва янада мустаҳкам ришталар билан боғланган тинчликсевар ўзбек ва япон халқларининг дўстлиги, муштарак миллий қадриятлари ҳақида ҳикоя қилинади. Ушбу рисолани ёзиш ва нашр эттиришдан кўзланган асосий мақсад: 1945‒50-йилларда Ўзбекистон Республикаси, Тошкент вилояти, Ангрен шаҳрида яшаган, шаҳардаги кўплаб иншоотлар, уйлар ва мактаблар, кўприк ва темир йўл қурилишларида ангренликлар билан ҳамжиҳатликда ишлаган, ўзбек халқининг бағрикенглигидан баҳраманд бўлган япон биродарларимиз, уларнинг оила-аъзолари билан дўстона алоқа ўрнатишдан иборат.
Транспортно-строительный комплекс в модернизируемой экономике
"В монографии, рассмотрены узловые проблемы модернизации транспортно-строительного комплекса Узбекистана. Базовым направлением модернизации является взаимосвязанное и взаимо обусловленное развитие всех подотраслей транспорта – авиации; железнодорожного, автомобильного и речного транспорта, а также подотраслей пассажирского транспорта: троллейбусного, трамвайного и метрополитена, а также служебный транспорт, которые образуют транспортный комплекс Узбекистана, включая строительный компонент."