Народныя прыкметы на кожны дзень. Дзмiтрый Дзьяканаў

яшчэ марозныя дні чакаюць.

      Збегліся хмаркі ў купку – быць непагадзі хутка.

      Чым больш снегу ляжыць на зямлі – тым большы будзе ўраджай. Паля са снегам-так і свіран з хлебам.

      Ціўкаюць сініцы перад тым, як пацяплее.

      Ударыў мароз у гэты дзень – лета будзе засушлівае.

      На Кірылу добрае надвор'е – да маразоў.

      Цецярук зрываецца з месца і хутка пералятае поле-перад снегападам.

      28

      У рацэ падымаецца вада і пагражае выйсці з берагоў – быць вялікаму ўкосу траў на лугах.

      Звісаюць доўгія і тоўстыя ледзяшы – вясна будзе доўгая.

      Месяц ясны ў небе – мароз пакуль не збіраецца сыходзіць.

      Снег 28 лютага адтае – да добрага ўраджаю сена.

      Лісіца «брэша» – чакай неўзабаве снегу.

      Якое надвор'е ў гэты дзень, такая і восень будзе.

      Мала снегу – да неўраджаю.

      29

      Калі ў гэты дзень стаіць мароз, то холады могуць затрымацца.

      Моцны вецер прадвяшчае непагадзь.

      Вароны гучна крумкаюць – да халадоў.

      Дубрава пацямнела – да адлігі.

      Аблокі плывуць хутка і высока – да яснага дня, без ападкаў.

      Птушкі вяртаюцца ў гэты дзень з поўдня – да ранняй вясны.

      САКАВІК

      Вясна, вясна – вясне дарогу!

      Прыказкі і прымаўкі пра вясну

      Вясновы дождж гадуе, восеньскі гноіць.

      Вясна ды восень – на дзень пагод восем.

      Вясной зверху пячэ, а знізу марозіць.

      Вясною суткі мочыць, а гадзіну сушыць.

      Вясновы дзень год корміць.

      Без першай ластаўкі вясна не абыходзіцца.

      Хто вясною папрацуе, той восенню павесяліцца.

      Пасля самай лютай зімы ўсё роўна прыйдзе вясна.

      Вясной засевак зацягнеш – ногі працягнеш.

      Хто не пасее, не будзе і збіраць.

      Хто спіць вясною, плача зімою.

      Добры год па вясне відаць.

      Вясновай вады і цар не суцішыць.

      Вясна прыйшла – на ўсе пайшла.

      Прыляцела б чайка, а вясна будзе.

      Прыказкі і прымаўкі пра сакавік

      Сакавік марозам на нос садзіцца.

      Сакавік сухі ды мокры май – будзе каша ды каравай.

      У сакавіку поўднем вее, старога грэе.

      Сакавік з вадой, красавік з травой, а травень з кветкамі.

      Прыйшоў сакавік-марток – апранай двое парток.

      У сакавіку і ззаду і спераду зіма.

      Сакавік – зiмабор, змагаецца з зімой.

      Сакавік няправільны: то плача, то смяецца.

      Сакавік у маці – зімы футра купіў, а праз тры дні яе прадаў.

      Сакавiк яшчэ закруціць завейную круцёлку.

      1

      Цёпла і сонечна – ўся вясна будзе такая ж.

      Ідзе ў гэты дзень снег – год будзе ўраджайны.

      Дзьме цёплы вецер абяцаючы дажджлівае лета.

      Дзьме паўночны вецер-значыць лета будзе прахалоднае.

      На лёдзе вадаёма плёскаецца вада – да цяпла.

      Берасцянка гучна крычыць – да халадоў.

      Прадметы удалечыні