Молитвы утренние и вечерние. Сборник

мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́ныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́́[66] мои́ отве́рзеши, и уста́[67] моя́ возвестя́т хвалу́ Твою́. Я́ко а́ще бы[68] восхоте́л еси́ же́ртвы, дал бых у́бо[69]: всесожже́ния[70] не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на[71], и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

      Символ веры

      ¹Ве́рую во еди́наго Бо́га Отца́, Вседержи́теля, Творца́ не́бу и земли́, ви́димым же всем и неви́димым[72]. ²И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век[73]; Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша[74]. ³Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася[75]. ⁴Распя́таго же за ны[76] при Понти́йстем Пила́те, и страда́вша, и погребе́нна. ⁵И воскре́сшаго в тре́тий день по Писа́нием[77]. ⁶И возше́дшаго на небеса́, и седя́ща одесну́ю[78] Отца́. ⁷И па́ки гряду́щаго[79] со сла́вою суди́ти живы́м и ме́ртвым, Его́же Ца́рствию не бу́дет конца́. ⁸И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема[80] и ссла́вима, глаго́лавшаго проро́ки[81]. ⁹Во еди́ну Святу́ю, Собо́рную и Апо́стольскую Це́рковь. ¹⁰Испове́дую еди́но креще́ние[82] во оставле́ние грехо́в. ¹¹Ча́ю воскресе́ния ме́ртвых, ¹²и жи́зни бу́дущаго ве́ка[83]. Ами́нь.

      Молитва 1-я, святого Макария Великого

      Бо́же, очи́сти мя гре́шнаго, я́ко[84] николи́же[85] сотвори́х[86] благо́е пред Тобо́ю; но изба́ви мя от лука́ваго, и да бу́дет во мне во́ля Твоя́, да неосужде́нно отве́рзу уста́ моя недосто́йная и восхвалю́ и́мя Твое́ свято́е, Отца́ и Сы́на и Свята́го Ду́ха, ны́не и при́сно и во ве́ки веко́в Ами́нь.

      Молитва 2-я, того же святого

      От сна воста́в, полу́нощную песнь приношу́ Ти, Спа́се, и припа́дая вопию́ Ти: не даждь ми[87] усну́ти во грехо́вней сме́рти, но уще́дри мя[88], распны́йся во́лею[89], и лежа́щаго мя в ле́ности ускори́в возста́ви, и спаси́ мя в предстоя́нии и моли́тве, и по сне нощне́м возсия́й ми день безгре́шен, Христе́ Бо́же, и спаси́ мя.

      Молитва 3-я, того же святого

      К Тебе́, Влады́ко Человеколю́бче, от сна воста́в прибега́ю[90], и на дела́ Твоя́ подвиза́юся милосе́рдием Твои́м

66

Устне́ – губа (двойственное число от устна – губа).

67

Уста́ – рот, органы речи.

68

А́ще бы – если бы.

69

Дал бы́х у́бо – я дал бы, я мог бы дать.

70

Всесожже́ния, или всесожега́емая – жертва, при которой животное всё без остатка сжигалось на жертвеннике.

71

Сио́н – гора в Иерусалиме, на которой возвышалась иерусалимская крепость и где хранилась главная святыня Израиля – Kовчег Завета; символ Церкви.

72

Ви́димым же всем и неви́димым – всего видимого и невидимого, т. е. видимого (материального) и невидимого (духовного) мира.

73

Пре́жде всех век – прежде всякого времени, до начала времени.

74

И́мже вся бы́ша – от Kоторого всё произошло, весь мир произошел.

75

Вочелове́чшася – сделавшегося истинным Человеком.

76

За ны – за нас.

77

По Писа́нием – как было предсказано в Писании.

78

Одесну́ю – по правую руку.

79

И па́ки гряду́щаго – и Kоторый опять придет.

80

И́же со Отце́м и Сы́ном спокланя́ема и ссла́вима – Которому следует поклоняться и Которого надлежит славить вместе, наравне с Отцом и Сыном.

81

Глаго́лавшаго проро́ки – говорившего через пророков.

82

Едино креще́ние – одно в жизни Таинство Крещения.

83

Жи́зни бу́дущаго ве́ка – другой, вечной жизни

84

Я́ко – так как.

85

Николи́же – никогда.

86

Сотвори́х – я сотворил (соделал).

87

Не даждь ми – не дай мне.

88

Уще́дри мя – буквально: сжалься надо мною

89

Распны́йся во́лею – добровольно принявший распятие.

90

Прибега́ю – прихожу, ища помощи, обращаюсь за помощью.