Xatirə ədəbiyyatı
Скачать книги из серии Xatirə ədəbiyyatıBir müəllimin xatirələri
Kitabda Təhsil Nazirliyi yanında İctimai Şuranın sədr müavini, tanınmış pedaqoq Nadir İsrafilovun ta uşaqlıqdan indiyə kimi xatirələri, keçdiyi həyat yolu işıqlandırılıb. Müəllif əsərdə Azərbaycanda, eləcə də SSRİ-də baş verənləri, vacib hadisələri, təhsilimizin keçdiyi inkişaf yolunu nəql edir, tətbiq olunan yenilikləri, o cümlədən mövcud çatışmazlıqları özünəməxsus üslubda oxucuya çatdırır. Kitab, həmçinin təhsil sahəsində gedən proseslərə işıq tutmaq baxımından vacib mənbə rolunu oynayır.
Həyat yolu
Bu kitabda görkəmli Azərbaycan-sovet yazıçısı, Azərbaycan Xalq yazıçısı Süleyman Rəhimovun xatirələri toplanıb. Ədibin necə kasıb kəndli ailəsindən çıxmasından, min bir zəhmətlə təhsil almasından, XX əsrin əvvəllərində bir çox vəzifələrdə necə işləməsindən, “Şamo” və “Saçlı” romanlarının necə yaranmasından bəhs edən “Həyat yolu” kitabını onun on cildlik külliyyatı üçün yazdığı müqəddimə də saymaq olar.
Xatirat
Oxuculara təqdim olunan kitab Azərbaycanda XX əsrin əvvəllərində milli dövlətçiliyə aparan yolda cərəyan edən daxili proseslərin, Azərbaycan Xalq Cümhuriyyətinin yaranması və həmin vaxt baş verən hadisələrin iştirakçısı olmuş Hacı Mirzə Səlim Axundzadənin mühacirətdə olarkən qələmə aldığı “Xatirat”dır. Müəllif qəflətən vəfat etdiyindən “Xatirat” yarımçıq qalsa da, onda canlı əks olunmuş hadisələrin işıqlandırılması Azərbaycan tarixinin olduqca mühüm olan Azərbaycan Xalq Cümhuriyyəti dövrünü tədqiq etmək üçün qiymətli mənbədir. Kitab tədqiqatçı alimlər və tarix ilə maraqlanan geniş oxucu kütləsi üçün nəzərdə tutulub.
General Polad Həşimov xatirələrdə
“General Polad Həşimov xatirələrdə” kitabı 14 iyul 2020-ci il tarixində Tovuz rayonu ətrafında gedən döyüşlərdə şəhid olan general-mayor Polad Həşimov haqqında xatirələrdən ibarətdir. Kitabda şəhid generalın ailə üzvlərindən, yaxınlarından, zabit və əsgər yoldaşlarından götürülən xatirə yazıları yer alıb. Kitab geniş oxucu kütləsi üçün nəzərdə tutulub və şəhid generalın cəmiyyətə daha yaxından tanıdılması məqsədi daşıyır. Vətənimiz Azərbaycan uğrundan canından keçən bütün şəhidlərimizə rəhmət diləyirik! Şəhidlərimizin ruhuna dərin ehtiramla, “XAN Nəşriyyatı” komandası
Sizsiz
Tanınmış yazıçı Anarın “Sizsiz” əsəri xatirə-romandır. Bu əsəri oxumaqla yazıçını və onun ailəsini yaxından tanımaq mümkündür. Əsərdə atası Rəsul Rza, anası Nigar Rafibəyli haqqında yazılmış həqiqi hekayələr yer alıb. Anar bu əsərində sevinc, kədər, xəstəlik, vəfa kimi bəşəri mövzularla mədəni dairələrimizdəki ideal və örnək ailənin cizgilərini müəyyən edib. “Sizsiz” – səmimiyyətlə intellektuallığın vəhdətindən yaranan əsərdir.
Məhəmmədhüseyn Şəhriyar xatirələrdə
Bu kitab böyük Azərbaycan şairi Şəhriyar (Seyid Məhəmmədhüseyn Behcət Təbrizi) haqqında xatirələrdən ibarətdir. Toplunun əvvəlində öz xatirələri də yer alıb. Əlavə olaraq şairin qızı, qardaşı, dostları, müxtəlif sənət və ədəbiyyat adamlarının da yazısı kitaba salınıb. Bu xatirələrdə Şəhriyarın uşaqlığından tutmuş ahıl yaşlarına qədər başına gəlmiş hadisələrdən bəhs edilir. “Məhəmmədhüseyn Şəhriyar xatirələrdə” kitabı şəhriyarşünaslıqla maraqlananlar, ümumilikdə isə geniş oxucu kütləsi üçün nəzərdə tutulub.
Köhnə Bakı
“Xatirə Ədəbiyyatı” silsiləsinin 49-cu kitabı olan “Köhnə Bakı”da Azərbaycanın opera müğənnisi (lirik tenor), aktyor, rejissor, pedaqoq, teatr xadimi, xalq artisti (1932), Azərbaycanın professional musiqi teatrının banilərindən biri Hüseynqulu Sarabskinin (20 mart 1879, Bakı–2 fevral 1945, Bakı) inqilabaqədərki Bakı haqqında xatirələri verilib. XIX əsrin sonu–XX əsrin əvvəllərində xurafata yuvarlanan digər bölgələr kimi paytaxt Bakı şəhəri də xalqı zülmü altında saxlayan fırıldaqçı din xadimlərinin, çar qulluqçularının, şəhər qoçularının və digər feodal ünsürlərin yazılmamış qanunları ilə idarə olunurdu. Daim təqib və təhqir edilən maarifpərvər, ziyalı insanlarsa bu cəhalətlə mübarizə aparmaqda aciz idi. “Köhnə Bakı” kitabında, əsasən, o vaxtkı adət-ənənə və oyunlar haqda geniş məlumat əks olunub.
Əmim Hamlet
“XAN” Xatirə ədəbiyyatı silsiləsində 48-ci kitab olan “Əmim Hamlet” romanı vətəni Sovet İnqilabının kölgəsində qalan bir xalqın yaxın tarixindən və bu əsarətdən canını qurtarmaq üçün ölkəsindən qaçmaq məcburiyyətində qalan insanlardan birinin – yazarın atası Əjdər Babazadənin başına gələn faciələrdən bəhs edir.
Mənim anam – Marina Svetayeva
Bu kitab Efron Ariadnanın anası, rus yazıçı və şairi Marina Svetayeva haqqında xatirələrindən ibarətdir. 1918-ci ildə şəxsi nəşrlərin ləğvi haqqında verilmiş avqust qətnaməsindən sonra Moskvada yaranan ilk və yeganə kitab ticarəti müəssisəsi – Yazıçı dükanında fəaliyyət göstərən B.A.Qriftsov, A.K.Civeleqov, P.P.Muratov, M.A.Osorgin, V.F.Xodaseviç, B.K.Zaytsev, N.A.Berdyayev, Marinanın həyatında iz buraxmış Maksim Qorki, İlya Edenburq, Konstantin Balmont və başqaları haqda fikirlər bu xatirədə yer alır. Marina Svetayevanın qəlb dostu, şair və yazıçı Boris Pasternakın da siyasi həyatının məzmunu kitabın əsas mövzularından biridir. Kitabda bir qadının həm yaradıcılıq sahəsində, həm də ana kimi necə istedadlı olduğundan, eyni zamanda o dövrlərdə baş verən siyasi motivlərlə necə baş çıxardığından bəhs edilir.
“Martiroloq” və Tarkovski haqqında xatirələr
Kitabda dahi rus rejissoru, filmlərilə dünya kinosu tarixində əvəzedilməz iz buraxan Andrey Arseneviç Tarkovskinin öz yazdığı “Martiroloq” adlı gündəlikdən hissələr, o cümlədən, onun haqqında doğmaları, dost-tanışları və iş yoldaşlarının xatirələri yer alıb. Bu yazıları oxumaqla Tarkovskinin çəkdiyi filmlərdən, əzablarla dolu şəxsi həyatıından maraqlı epizodlarla tanış olacaqsınız. Xatirəsini bölüşənlər arasında rejissorun bacısı Marina Tarkovskaya, yaxın dostu, qohumu Aleksandr Qordon, sevgilisi, sevimli aktrisası Nataliya Bondarçuk, məşhur “Güzgü” filminin həmmüəllifi Aleksandr Mişarin, kino xadimləri – Alisa Freyndlix, Kşiştof Zanussi və başqa insanların adı var. Ümidvarıq, dahi Tarkovski haqqında xatirələr incəsənət tarixilə maraqlanan oxucuların da marağına səbəb olacaq.