Kitobxon
Все книги издательства KitobxonЎткан кунлар
Sevgi kimlarni yig'latib, kimlarni kuydirmagan, deysiz. Sharq adabiyoti durdonalaridan hisoblanmish mazkur asarda muhabbat o'zgacha badiiy talqin qilinadi. Shuningdek, vatanparvarlik, olijanoblik, vafo va xiyonat, havas va hasad, zamon taloto'plari tilga olinadi. Ham tarixiy, ham adabiy chizgilar, shoirona go'zal so'zlar, betakror tasviriy ifodalar, asar qahramonlari tilidan aytilgan va bugungi kun yoshlarining tilida ham sevimli iboralarga aylanib qolgan otashin so'zlar… shubhasiz, aytish mumkinki, asarni o'qimaslikning, qayta-qayta mutolaa qilmaslikning iloji yo'q.
Ўткан кунлар
O'zbek nasrining gultoji bo'lgan «O'tkan kunlar» romani har bir asr o'quvchisi uchun shoh asar bo'lib qolmoqda. Mehrning, muhabbatning, sadoqatning o'zbekchasi aynan shu roman orqali qalbimizga yanada chuqurroq singadi. Asar millat kishilarini har qanday holatda ma'nan va ruhan uyg'oqlikka chorlab turguvchi qo'ng'iroq vazifasini o'tab kelmoqda.
Меҳробдан чаён
Адабиёт – характерлар, образлар хазинасидир. Абдулла Қодирий ўзбек адабиёти образлар дунёсини характерлар галереяси билан бойитди. Адибнинг «Меҳробдан чаён» романидаги характерларнинг ҳар бири ўз қиёфаси, ўз тақдири, ўз тирикчилиги, ўз маишати билан билишга арзигулик сиймолардир.Абдулла Қодирий китобхон учун сеҳргар санъаткор, адиблар учун ижодий мезон муаллифидир.
Ойгул билан Бахтиёр
"Maktabdan tashqari o'qish" ruknida nashrga tayyorlangan mazkur kitobga baхt va shodlik kuychisi – Hamid Olimjonning eng mashhur uch dostoni – «Oygul bilan Baхtiyor», «Zaynab va Omon», «Semurg', Parizod va Bunyod» kiritildi. Har uchala ertak-dostonda yoshlik shijoati, muhabbat tuyg'ulari, mardlik va jasorat jonli tasvirlarda ifodalanadi. So'zining ravonligi sabab o'quvchi asarlarni nafaqat o'qiydi, balki uni yod olishga, atrofidagilarga aytib berishga harakat qiladi.
Дафтар ҳошиясидаги битиклар
Ushbu kitob muallifnmg sinchkov kuzatuvlan, o'y-kechinmalari, armonlari, lstehzoli va tabassumli xulosalari asosida dunyo yuziini ko'rgan bo'lib, unda falsafiy fikrlar bilan birga Vatanimiz boshiga tushgan og'ir kulfat – «o'zbek ishi», «paxta ishi» degan qatag'on yillari tog'risidagi ma'lumotlar go'zal lavhalarda tasvirlangan. Siz aziz oquvchilarkitobidan o'rin olgan lavhalar bilan tanishar ekansiz, sho'ro zamomning ba'zi hunarlaridan naifatlanib, bugungi mustaqillik kunlarimiz qadrini his etasiz deb umid qilamiz.
Қасос ва муҳаббат
Adibning eng sara asarlaridan sanalgan «Qasos va muhabbat» romanida meksika hindularining 4-5 asr burungi milliy ozodlik harakati qalamga olingan. Asarda adib to'plagan ma'lumotlar jug'rofiy, biologik, etnografik kuzatishlar qahramonlar taqdiri bilan bog'lab tasvirlangan. Hurmatli kitobxonlarimiz sarguzasht janrining yana bir durdonasi bilan tanishishga muyassar bo'ldilar.
Уйғондингми кафтдаги уруғ
Устоз журналист, истеъдодли публицист Пардабой Тожибоевнинг турли йилларда ёзилган ҳикоя, очерк ва шеърлари жамланган ушбу китоби кенг китобхонлар оммаси учун мўлжалланган. Ундаги назм ва наср намуналарининг дунёга келишида асосан муаллифнинг ҳаёт йўлларида, меҳнат фаолияти давомида кўрган-кечирганлари, эътиборли реал воқеликлар асос қилиб олинган. Қалбида табиатга, инсонга, она юртга муҳаббат ва садоқат жо бўлган ижодкорнинг самимияти, эзгу ҳислари билан йўғрилган ҳикоялар ўқувчининг ҳам дил тубидаги ҳиссиётларини жонлантириб, она табиатнинг ноласига, ҳалол ва пок қаҳрамонларнинг юрак маромига қулоқ тутишга мажбур қилади, жамиятдаги ёмонликларга қарши нафрат уйғотади.Ҳикоя ва очеркларда тасвирланган замона қаҳрамонлари портретлари хайрли амаллари, ҳикматли сўзлари билан ўқувчиларда ибратли хулосаларга сабаб бўлади, деган умиддамиз.
Уста ва Маргарита
"Уста ва Маргарита" бизга қай бир жиҳати билан қадрли? Ундаги қайси манзаралар бизни ўзига ром этган? Асарда қандай оҳанрабо борки, адабиёт ихлосмандлари ҳар гал у ҳақда янги-янги фикрларни ўртага ташлайдилар?Биз асарнинг сюжети ҳақида умумий фикр билдиришдан йироқмиз. Шуниси аниқки, «Уста ва Маргарита»ни ўқиган миллион ўқувчининг қалбидан миллион хил фикр, миллион хил тасаввур ўтади. Уни ҳар ким ўз қарашларига мослаб таҳлил қилади, ундан ўзига маънавий озуқа олади. Романдаги ҳар бир қаҳрамон билан боғлиқ воқеалар ўқувчи қалбидан шундай чуқур ўрин эгаллайдики, китобхон ҳам психологик, ҳам фантастикага йўғрилган бу асарни кучли ҳис-ҳаяжонсиз ёхуд осон унутилиб кетадиган воқеадек қабул қилолмайди. Асар мутолааси ўқувчидан алоҳида эътиборни ва мутолаага маълум бир тайёргарликни талаб этади.Демак, азиз китобхонларимизни ушбу асар мутолаасига ва айни пайтда асар мутолаасидан кейинги янги баҳсга чорлаб қоламиз.
Уста ва Маргарита
Mixail Bulgakovning «Usta va Margarita» asari durdona asarlar sirasiga kiradi. Chunki unda yovuzlik va ezgulik kurashi kabi abadiy mavzu boshqacha rakursda, boshqa kompozitsiyada yoritilgan. Asarni o'qigan o'quvchi mistika dunyosiga g'arq bo'lib, jamiyat va inson illatlariga o'zgacha ko'z bilan qaray boshlaydi. Bir qaraganda yorqin kaleydoskop kabi ko'ringan voqealar shiddati, bir zumdan keyin barcha baxtsizligimiz, qusurlarimiz sababi o'zimizda emasmikan, illatni avvalo o'zimizdan qidirish lozimmikan, degan xotimaga kelishga majburlaydi. Lekin bu o'zlikka qaytish o'ziga xos ohangda, o'xshashi yo'q rangda namoyon bo'la boshlaydi. Asar keng kitobxonlar ommasiga mo'ljallangan..