Kitobxon
Все книги издательства KitobxonҚўрқувдан қўрқасизми ёки қўрқув жумбоғи
Биз «қўрқув» сўзининг ўзидан ҳам қўрқамиз, аслида унинг ижобий жиҳатлари бор. Қўрқув ўзига хос табиий жараён бўлиб, инсоннинг дунёқараши, руҳий ҳолати ва билимига кўра ё яшашга халақит қилади, ёки ёрдам беради. Бу инсоннинг қўрқувга бўлган муносабатига боғлиқ. Агар инсон омадсизликлардан қочиш, кўнгилдан қолмаслик учун қўрқиш ҳиссидан халос бўлмоқчи бўлса, қаерга бормасин, нима қилмасин, барибир қўрқув бутун танасини эгаллаб олаверади. Ана шунда унинг ҳаёти қўрқув олдида қўрқишдан иборат бўлиб қолади. Шу билан бирга, қўрқув фойдали йўлдошга айланиши ҳам мумкин. У аниқ, зийрак, хайрихоҳ, сабрли, эътиборли бўлиш каби инсонга хос сифат ва фазилатларни шакллантиради.Мазкур китобда қўрқув шакллари, уларнинг моҳияти, мақсад сари интилишда қўрқувни тўғри йўналтира олиш ҳақида маълумотлар берилади.Энг қизиғи, янги туғилган чақалоқлар, кичик ёшдаги болаларнинг қўрқуви ҳам тавсифланади.Китоб амалий аҳамиятга эга.
Умуртқа: мўъжизани асранг
Одам танасида умуртқанинг аҳамиятини ортиқча баҳолаш ҳам, камайтириб кўрсатиш ҳам мумкин эмас. Буни худди нафас олишнинг биз учун аҳамияти ҳақида беҳуда тортишишга қиёслаш мумкин. Умуртқа – асосий таянч, тик юриш, ҳаракатчанлик ва мувозанат гарови, шунингдек, соғлом ҳаёт кечиришимиз негизи. Айнан у одамнинг куч-қуввати ва чидамлилигини, ички аъзолари меъёрида ишлашини белгилаб беради. Умуртқани ҳаёт ичида ҳаёт дейиш мумкин. Мазкур китобда умуртқа ҳақида батафсил маълумотлар келтирилиб, уни соғломлаштириш масалалари атрофлича баён қилинган.
Узоқ умр кўриш қоидалари
Ҳар бир инсон ўзига яраша бир олам. Унинг ўй-кечинмалари, турмуш тарзи, қарашлари, феъл-атвори, юриш-туриши жамулжамликда УМРни ташкил қилади. Ўша умрни мазмунли ўтказиш баробарида узоқроқ давом этиши ҳам қайсидир жиҳатдан ўзимизга боғлиқ. Мазкур китобда узоқ умр кўрувчилар ҳаёти билан танишиш асносида узоқ умр кўришда ҳар биримиз учун фойдали бўлиши мумкин қоидалар баён этилади.
Енгил атлетика ва уни ўқитиш методикаси
"Ushbu o'quv qo'llanmada yengil atletika sportining vujudga kelishi, O'zbekistonda rivojining qisqacha tarixi, yoshlar bilan yengil atletika mashg'ulotlarini tashkil qilishning ayrim xususiyatlari, yengil atletika turlarining texnikasi asoslari, ularga o'rgatish metodlari, mashq qilish xususiyatlari, mashg'ulot joylari, jihozlanishi, kiyim-boshlar, O'zbekiston, Osiyo, Jahon rekordlari va boshqa ilovalar berilgan. O'quv qo'llanma o'rta maxsus kasb-hunar kollejlarining 3141901 «Jismoniy tarbiya va bolalar sporti» yo'nalishining 3141901 «Jismoniy tarbiya va bolalar sporti» mutaxassisligi talabalari, barcha mutaxassislar va yengil atletika ixlosmandlariga mo'ljallangan."
Жисмоний тарбия ва спорт
Ushbu darslikda oliy o'quv yurtlari talabalarining jismoniy madaniyat jarayonlari hisoblangan jismoniy tarbiya, sport va sog'lomlashtirish tadbirlarining maqsad va vazifalari, ularni tashkil etish jarayonlari, vositalari va uslublari, qonuniyatlari keng yoritib berilgan. Shuningdek darslikda talaba yoshlarni jismoniy tarbiya va sport sog'lomlashtirish tadbirlariga jalb etish, ularni mustaqil mashg'ulotlarda ishtirok etishini tashkil etish bo'yicha tavsiyalar keltirilgan. Talaba yoshlar o'rtasida sog'lom turmush tarzini targ'ibot va tashviqot qilish masalalari hamda talabalarning kasbiy tayyorgarliklarida jismoniy tarbiya va sport mashg'ulotlarining ahamiyati batafsil tahlil etilgan. Talaba sportini rivojlantirish, talabalarni bo'sh vaqtlarini samarali tashkil etish, etuk mutaxassilar tayyorlashda jismoniy tarbiya va sport mashg'ulotlarining ahamiyatiga alohida to'xtab o'tilgan.
Авестодан шоҳномага
Risolada muallifning «Avesto»ning yozilish tarixi, mohiyati, adabiy qimmati haqidagi eng so'nggi tadqiqotlari jamlangan. Bundan tashqari, «Avesto» va «Shohnoma», Firdavsiy va o'zbek adabiyoti masalalari ham tahlil qilingan. Kitob ilmiy xodimlar, aspirantlar hamda ma'naviyatimiz sarchashmalari bilan qiziquvchan keng ilm-adab ahliga mo'ljallangan.
Буюк Амир Темур салтанати ва унинг тақдири
Ushbu kitob buyuk Amir Temur shaxsi va umng markazlashgan davlat tuzish yo'lidagi faoliyatini o'rganishga bag'ishlangan. Muallif bu borada oldin yozilgan tarixiy asarlarga suyangan holda fikr yuritib, bu mavzuning yangi qirralarini ochishga harakat qilgan. Kitob o'quvchilarga manzur bo'ladi, degan umiddamiz.
Тарихий шахс ва бадиий образ
Ушбу рисолада атоқли ёзувчи комил Яшиннинг «Ҳамза» романи таҳлили орқали тарихий асарларнинг ўзига хос хусусиятлари, адабиёт ва мафкура, ҳаётий факт ва сюжет, прототип ва характер, ҳаётий ҳақиқат ва бадиий тўқима, ёзувчининг бадиий маҳорати сингари назарий масалалар тадқиқ этилган.