2012. Большая энциклопедия Апокалипсиса. Будущее России и мира. Виталий Александрович Симонов

последние.

      Сны зело страшные царя Мамера

      Бысть по Рождестве Христове в лето 835 во Асирии велицей, во граде Иринее царь именем Мамер, иже виде единой нощью 12 снов зело страшных; востав Мамер, призва многих философов и мудрых волхвов и поведа им сны своя, они же не могоша их разсудити, как бо могут ведати тайны Божия. Печален бысть царь о сем, но се прииде к нему философ Духом Божиим просвещен по имени Филон и рече царю: «Повеждь ми, царю, сны своя, еже еси видел». И нача ему царь сны свои поведати.

      Первый сон

      Рече царь: «Видел столп зело высок, а на столпе сидел голубь; столп разсыпался, и голубь возлете на небо. По сих прилете вран, нача злато клевати, приидоша звери, около начаши рыкати и приползоша змии, нача свастати».

      Отвеща философ: «Не в твое царство то будет, царю, но в последния времена, в начале осмыя тысящи, сны твои исполнятся. Пророк Иезекииль прорече о последнем времени. Тогда времена будут люта по всей земли и во всех человецех правды и милости не будет; ни мыслей добрых, ни страха Божия, ни заповедей Христовых хранити не станут. Все возненавидят друг друга, будет страх и мятеж велик и пролиется кровь человеческая, аки вода, и вси людие тогда восплачутся плачем великим. Такожде и во Евангелии пишется: «Тогда востанет язык на язык и царство на царство, князь на князя, господин на раба, а раб на господина, старец на старца, сосед на соседа, отец на сына, сын на отца, матерь на дщерь, а дщерь на матерь и брат на брата».

      «Правды не будет во всех человецех, яко голубь возлетит на небеса, будут языком добре глаголати, а сердцем зло мыслити. Наставники будут заповедем Христовым учити, а сами их исполнять не станут. Тогда вси учители будут, а послушающих не будет; вси мудрые и учительные люди будут запойцы, сквернословцы, тогда ученицы мудрейши старших явятся; тогда во всех странах и градех туча велия будет. Стихии от обычая своего изменятся: лето преступит в зиму, а зима в лето; среди лета будет мраз, а среди зимы будет дождь, – и тогда не познают времени, когда семена своя сеяти; сеющие семен много, пожнут мало лихоимства ради и неправд своих. Тогда солнце станет померкати, месяц от обычая своего изменится и звезды будут необычны: тогда явится звезда хвостатая, тогда громы и молнии будут страшнии, земля трястися станет, и гради многия падут, а человеки и скоты помрут, древа увянут и рыбы и всякаго овоща умалится, а потом мир изгниет».