Asian Book House
Все книги издательства Asian Book HouseGEOLOGIYA, MINERALOGIYA VA PETROGRAFIYA ASOSLARI
Mazkur o‘quv qo‘llanma 5340500 – “Qurilish materiallari, buyumlari va konstruksiyalarini ishlab chiqarish” ta’lim yo‘nalishi va “Geologiya, mineralogiya va petrografiya asoslari” fan dasturi asosida yozilgan. O‘quv qo‘llanmada “Geologiya, mineralogiya va petrografiya asoslari” fanining maqsadi, vazifasi, tarmoqilari va soha uchun ahamiyati bayon qilingan. Shuningdek, Yerning paydo bo‘lishi, tuzilishi tarkibi, rivojlanish tarixi mineral, tog‘ jinslar va geologik yilnomalar, tektonik harakat – bo‘lishi, tarkibi, fizik xossasi, kimyoviy tarkibi, turlari va rejimi. Yer osti suvlarining harakat qonunlari va suv chiqaruvchi ishootlar haqida umumiy ma’lumotlar bayon qilingan.
PEDAGOGIKA
Mazkur darslik pedagogika nazariyasi kursining maqsad va vazifalari, fanning umumiy asoslari, pedagogika fanining ilmiy-tadqiqot metodlari, tarbiya va ta’limning maqsadi, vazifalari, mazmuni, qonuniyatlari, tamoyillari, turlari, ta’lim-tarbiya jarayonida milliy merosdan foydalanish yo‘llari, shakllari va vositalari, o‘rta maxsus, kasb-hunar ta’limi, ta’lim oluvchilar bilimlarini tashkil etish, korreksion pedagogika haqidagi ma’lumotlar o‘rin olgan. Darslik pedagogika oliy o‘quv yurtlarining mutaxassis fakultetlari talabalari, pedagogika kollejlarining o‘quvchilari uchun O‘zbekiston Respublikasi Oliy va o‘rta maxsus ta’lim vazirligi huzuridagi Oliy va o‘rta maxsus kasb-hunar ta’limi yo‘nalishlari bo‘yicha Muvofiqlashtiruvchi Kengashi tomonidan nashrga tavsiya etilgan. Mazkur darslik oliy o‘quv yurtlari talabalari, magistrlar va aspirantlar, shuningdek, pedagog-mutaxassislarga mo‘ljallab tayyorlandi. Ushbu darslik «Oliy ta’lim muassasalarida ijtimoiy faol shaxsni shakl- lantirishning pedagogik texnologiyalarini ishlab chiqish va amaliyotga tatbiq etish mavzusiga oid fundamental hamda «Oliy ta’lim muassasalari professor-o‘qituvchilarining kasbiy, pedagogik va ma’naviy-ma’rifiy sohalar bo‘yicha bosqichma-bosqich malaka oshirish texnologiyalarini ishlab chiqish» mavzusidagi amaliy tadqiqot doirasida ishlab chiqildi.
ГИСТОЛОГИЯ, ЦИТОЛОГИЯ ВА ЭМБРИОЛОГИЯ
Гистология (юнон. histos – тўқима, logos – таълимот, фан) фани ҳужайра, тўқима ва аъзо (орган)ларнинг тараққиёти, тузилиши ҳамда уларнинг ҳаёт фаолиятларини ўрганувчи таълимотдир. У бошқа фанларнинг сўнгги ютуқларидан фойдаланиб, ўта тез ривожланиб бормокда. Гистология анатомия, физиология, биохимия, патологик анатомия каби тиббиёт фанлари ва биологиянинг турли соҳалари билан узвий боғланган. Ҳозирги пайтда гистология цитология, эмбриология, умумий ва хусусий гистологияни ўз ичига олади. Цитология ҳужайраларнинг тараққиёти, тузилиши ва фаолиятини ўрганса, эмбриология (юнонча қўшма сўз бўлиб, em – ичида, brio – қобиқ, биргаликда эса embrio – пушт, ўсувчи) одам ва ҳайвонлар тараққиёт қонуниятларини ўрганади. Умумий гистология, яъни тўқималар ҳақидаги таълимот турли аъзо тўқималарининг тараққиёти, тузилиши ҳамда вазифаларини чуқур талқин қилади. Хусусий гистология эса одам ва ҳайвонлар маълум бир аъзолари ва улар ташкил этган системаларнинг тараққиёти, тузилиши ва ҳаёт фаолиятини ўрганади. Гистология фанини бундай алоҳида курсларга бўлиб ўрганиш шартли ҳисобланади. Чунки организм бир бутун бўлиб, унинг барча қисмлари бир-бири билан ўзаро узвий боғланган. Ҳужайралар ва ҳужайралараро модда тўқималарни ташкил этса, бир неча тўқималар мажмуаси маълум бир орган (аъзо) ҳосил қилади, ўз навбатида органлар келиб чиқиши, тузилиши ва вазифасига қараб маълум бир тизим (система)ларга киритилади. Гистологияни ўрганишда, асосан, микроскопик усулдан фойдаланилади. Электрон микроскопнинг яратилиши тўқима ва аъзоларнинг нозик тузилишини ўрганиш учун кенг йўл очиб берди. Охирги йилларда фан ва технологияларнинг ривожланиши ҳужайра ва тўқималарда кечадиган жараёнларни молекуляр-генетик даражада ўрганиш имкониятларини яратди.
Ekonometrika
Darslik «Ekonometrika» fani o‘quv dasturiga muvofiq yozilgan. Unda ekonometrika fani predmeti, maqsadi, vazifalari hamda ekonometrik modellar va ekonometrik modellashtirish bosqichlari, modelni yechish ketma-ketligi, yechimni tahlil qilish yo‘llari ko‘rsatilgan. Darslikda matematik statistika usullari asoslari, ijtimoiy-iqtisodiy rivojlanish jarayonlarini chiziqli va chiziqli bo‘lmagan regressiya-korrelatsiya tahlili, ko‘p o‘zgaruvchili regressiya modeli va unda paydo bo‘ladigan multikolleniarlik, avtokorreliatsiya muammolari ularni bartaraf qilish yo‘llari hamda prognoz modellarini tuzish, ularning haqqoniyligini baholash usullari misollar bilan ko‘rsatib berilgan. Darslik iqtisodiyot sohasi ta’lim yo‘nalishlari bakalavriat va magistratura dasturi bo‘yicha ta’lim olayotgan talabalar, magistrlar, o‘qituvchilar, tadqiqotchilarga mo‘ljallangan.
TUPROQ KIMYOSI
Ushbu darslikda tuproq kimyosining tarixi va rivojlanish bosqichlari, tuproq qattiq qismi va kimyoviy jarayonlar, tuproqdagi elementlarning guruhlari va bazi xususiyatlari, tuproq kesimi kimyoviy tarkibining o‘zgarishi, tuproqda ishqoriy metallar, Tuproq eritmasining muhiti, tarkibi va konsentratsiyasi, Tuproq kolloid zarrachasining tarkibi, tuzilishi, zaryadi, Tuproq muhitini shakllantiruvchi omillar, Tuproqlarning asoslar bilan to‘yinganlik darajasi, Tuproqda III-guruh elementlari va tuproq muhiti, Tuproqning organik moddalari, Gumin kislotalar, ularning tarkibi, tuzilishi va xususiyatlari, Tuproqdagi asosiy oziqa elementlari, Tuproqlarda oksidlanish va qaytarilish hodisasi va tenglamasi, Temir va marganesning elementlar davriy sistemasidagi o‘rni va ayrim xususiyatlari, Xalkofil elementlar va boshqa metallarning biogeokimyoviy xossalari, Galloidlarning geokimyoviy va biogeokimyoviy xossalari, Tuproq qoplamining radioaktiv elementlar bilan ifloslanishi to‘g‘risida ma’lumotlari berilgan, ularning mohiyati ochib berligan. Talabalar tuproq kimyosi bo‘yicha o‘zlarining bilimlarini oshirishlari mumkin.
YOG‘LARNI RAFINATSIYALASH VA KATALITIK MODIFIKATSIYALASH
Darslikda yog‘ va moylarni gidratlash, rafinatsiyalash, oqlash, hidsizlantirish, gidrogenlash va pereeterifikatsiyalash texnologiyalariga oid ma’lumotlar keng yoritilgan. Yog‘larni katalitik modifikatsiyalash katalizatorlari haqida ma’lumotlar berilgan. Yog‘ va moylarni rafinatsiyalash hamda katalitik modifikatsiyalashning barcha bosqichlari bo‘yicha olib borilgan ilmiy tadqiqot ishlaridan sharhlar keltirilgan.
Славистика
«Старославянский язык» представляет собой основную часть курса «Славистика» из цикла историко-лингвистических дисциплин, которые являются базовыми курсами в филологическом образовании преподавателя – словесника. Старославянский язык – «первый литературный язык славянской цивилизации, сыграл большую роль в становлении русского литературного языка». «Старославянский язык» тесно связан с такими дисциплинами, «Историческая грамматика русского языка», «История русского литературного языка», «Современный русский язык», «Современные славянские языки», которые образуют блок специальных и общепрофессиональных дисциплин по направлению бакалавриата 5120100 – Филология и обучение языкам. В учебнике четко про-слеживается связь с названными дисциплинами, история языковых процессов праславянской эпохи, их рефлексы в различных славянских языках, особенно в русском языке, который является языком указанной специальности. Лекции содержат сведения по фонетике, морфологии и синтаксису старославянского языка, который отразил древнейшее состояние славянских языков. Каждую лекцию предваряет план, пункты которого четко отражают содержание лекции. После лекции следует перечень вопросов, которые направлены усвоение материала и дальнейшую самостоятельную работу студентов. Материал учебника предусматривает использование современных интерактивных методов и педагогических приемов. Учебник «Старославянский язык» направлен на формирование у студентов практических навыков сравнительно – исторического анализа. Издание 2-е дополнено словарем основных лингвистических терминов. которые необходимы при изучении курса, что позволит студентам овладеть необходимым терминологическим аппаратом по курсу “Славистика” и будет способствовать более углубленному усвоению теоретического материала. Учебник снабжен глоссарием, который включает в себя слова, наиболее часто встречающиеся в старославянских текстах, что дает возможность читать и переводить их, выполнять задания по фонетике, морфологии, лексике, синтаксису старославянского языка. Учебник предназначен для студентов-филологов, изучающих курс «Старославянский язык».