Сиёев Саъдулла
Список книг автора Сиёев СаъдуллаМенинг хўроз қувганим
Мазкур тўпламда таниқли адибимиз Саъдулла Сиёевнинг кейинги йилларда ёзган энг сара ҳикоя, ҳажвия ва бадиалари жамланди. Унинг бир ҳикояси «Бепарво бўлмоқчиман!» деб номланади, аммо адиб ҳеч қачон Сиз билан бизга, жамиятга, ўз юртига бепарво қарамаган ва қарамайди ҳам. Хўш, унда бу ҳикояда нима ҳақида гап боради? Ўйлашимизча. мазкур тўпламдан ўрин олган шу ва шунга ўхшаш ҳикоя, ҳажвия ва бадиаларни ўқиб, бу саволга жавоб топасиз ҳамда адибдан ва биздан мамнун бўласиз деган ниятдамиз.
Ёлғончининг рост гапи
Саъдулла Сиёевнинг хиёл кулгига мойил ҳикоялари сизга анча йиллардан бери таниш. Бу сафар ёзувчи ҳукмингизга ўзининг янги китобини ҳавола этаётир. Унда адибнинг энг сара ҳикоя ва ҳажвиялари жамланган. Шунингдек, тўпламдан буюк аждодларимиз ҳақидаги публицистик асарлар ва машҳур алломалар тўғрисидаги мароқли ҳангомалар ўрин олган.Китоб сизда яхши таассурот қолдиради, деган умиддамиз.
Хоразмнинг сўнгги маликаси
Устоз ёзувчи Саъдулла Сиёевнинг исмини эшитганингиздаёқ юзингизга табассум югуради. Чунки у кишининг ҳажвий ҳикоялари, ичакузди ҳангомалари газета, журнал саҳифаларида, телевидениедаги ҳажвий ва юмористик кўрсатувларда кўп йиллардан бери миллион-миллион кишиларга самимий кулги улашиб келган ва келмоқда. Муаллифнинг илк ҳикоялари билан 1963 йилда кўз очган ижод булоғи ҳануз қайнаб-тошиб турибди. Бу йиллар давомида Саъдулла ака 30 дан зиёд катта-кичик китобларни чоп эттирди. Роман, қисса, ҳикоя, ҳажвия, бадиаларининг бир қанчаси рус тилида босмадан чиққан. «Аҳмад Яссавий» романи Хитойда уйғур тилига таржима қилиниб, нашр этилди."Оғир вазнли жанжалкаш", «Эркаклар эртаги», «Ёлғончининг рост гапи» каби ўнлаб тўпламлар, «Аваз» романи ва бошқа кўплаб кулдиргувчи ва ўйлатгувчи асарлари аллақачонлар халқимизнинг кўнгил мулкига айланиб улгурган.Мазкур тўпламга ҳам адибнинг эллик йиллик ижод маҳсули намуналарининг қаймоғи сузиб олинди… Қолган гапларни китоб мутолаасидан сўнг сўзлашармиз…
Тазарру
Ёзувчи Саъдулла Сиёев ўзининг қатор асарлари билан китоб- хонларга яхши ганиш. Унинг «Аҳмад Яссавий» романи ўқувчилар қалбидан чуқур жой эгаллади. Мазкур асар турк ва уйгур тилларида ҳам чоп этилган.Қўлингиздаги ушбу китобга адибнинг буюк шоир ва ёзувчилар хаётидаги ажойиб воқеалар ҳамда «Тазарру», «Ҳурматли ўртоқ рафиқам», «Меҳмондан пул олмаймиз» каби инсонийлик, садоқат, меҳру мурувват, муҳаббат сингари қадриятларни эъзозловчи юморга бой ҳаётий ҳикоялари киритилган.
Абдулла Қаҳҳорнинг алёр айтгани
Бу китоб адабиётимиз ва маданиятимизнинг улуғ дарғалари ҳақидаги ҳикояларидан иборат. Камина ўша устозларнинг аксарияти билан ота-боладек, оға-инидек яқин эдик, айримларининг қўл остида ишлаш бахтига ҳам муяссар бўлганман. Мен улардан наинки адабий-маърифий, балки ҳаётий сабоқ олдим. Ўзим ҳам қўлдан келгунча шогирдлик мақомини адо этдим.Ва ниҳоят, бу азиз ва ёди ёруғ сиймолар тўғрисида кўрган-билганларимни қоғозга тушириб, Сиз азиз ўқувчилар ҳукмига ҳавола қилгим келди. Ғафур Ғулом, Абдулла Қаҳҳор, Миртемир, Мирзакалон Исмоилий, Шукур Бурхонов сингари зоти шарифлар ҳаётидан сўзловчи ажиб ҳангомалар диққатингизни тортиб, Сизни бефарқ қолдирмас, деган умиддаман.
Яссавийнинг сўнгги сафари
Аҳмад Яссавий ҳазратлари саккиз асрдан буён Туркистон ўлкасининг «Шайх ул машойих»ига айланган. Унинг беҳад содда, халқчил ҳикматлари кирмаган хонадон йўқ ҳисоби. Ислом оламидаги нуфузини эса ер юзига тарқалган сулукларининг кўплигидан ҳам билса бўлади. Қўлингиздаги китоб Султон ул-орифиннинг қандай комил инсон эканликлари, эл-юрт қайғуси деб ўз ҳузур-ҳаловатидан, керак бўлса жонидан ҳам кечувчи улуғ бир уламои киром бўлганликлари ҳақидадир.