Нурий Дадахон
Список книг автора Нурий ДадахонНиқобсиз Америка ва бошқа манзилгоҳлар
Dadaxon Nuriy serqirra ijodkor: dastlab kompozitor hamda talabchan murabbiy Evgeniy Shvarsdan bir necha yil davomida musiqa sabog'idan dars olib, domlaning umidli shogirdlaridan hisoblangan. So'ngra badiiy ijod sirlarini benazir so'z ustasi Abdulla Qahhordan, rassomchilikni buyuk mo'yqalam sohibi Chingiz Ahmarovdan, «tilshunoslik» ni 55 yillarda taqdir taqozosi bilan Toshkentga kelib qolgan hind muhojiri Madan Mohan Hardat hamda Dehli universitetining professori Qamar Raisdan olgan. Suhbatlardan birida A.Qahhor «siz ko'proq adabiyot bilan shug'ullaning» deya maslahat beradi. Yozuvchi dastlab chuqur lirizm kechinmalariga boy qissa, roman, hikoya kitoblari orqali ko'pchilik muxlislar, ayniqsa yoshlar e'tiborini qozongan. So'ngra «jangovar» dolzarb mavzulardagi publisistik janrga qo'l urdi. Vaqtli matbuot orqali adibning shu ruhdagi ko'plab chiqishlari katta shov-shuvlarga sabab bo'lib, o'sha davr yalovbardorlarini bezovta qilgan, ta'qib ostiga olingan, biroq engilmagan. Taniqli munaqqid, O'zbekiston Qahramoni Ozod Sharafiddinov D.Nuriy haqida «Shvesariya bilan qiyoslanuvchi tog'li Bo'stonliqning ekologik „fronti“da dunyoni titratib turgan SSSR degan mamlakatning Harbiy vaziri bilan olishib, quturgan buqaning dumiga chelak bog'lagan yozuvchidir» deya bejiz yozmagan. Hozirda «Dadaxon Nuriy o'zbek essechiligi ustasi» (Shukur Holmirzaev) deya tan olingan. Shuningdek, safarnoma mavzusida yozilgan «Hindiston ming yildan so'ng», «Daricham ro'parasidagi Pokiston», «Hatarli jannat safari» (Shri Lanka haqida) asarlari kitobxonlar tomonidan iliq kutib olingan. O'ylaymizki, muallifning navbatdagi «Niqobsiz Amerika va boshqa manzilgohlar…» kitobi ham «kutilmagan yangilik» sifatida ko'pchilikda qiziqish uyg'otishi tabiiy.
Узоқ-яқин манзиллар
Дадахон Нурий тинчимас адиб, у она юртимиз сарҳадлари, дунёнинг қатор мамлакатлари бўйлаб ижодий саёҳатлар қилган. Шунинг натижаси бўлмиш ёзувчининг сафарнома асарлари мазкур сайланма асос қилиб олинди.
Шаҳар тегирмони
Ёзувчи Дадахон Нурийнинг ушбу тўпламидан жой олган ҳикоя ва публицист асарлари газета, журнал саҳифалари орқали сизга кўндан буён таниш. Шунингдек, адибнинг янги қиссаси ҳам бу китобдан ўрин олган.
Олисдаги дала-боғ
Ўқувчиларга тақдим этилаётган мазкур китоб тоғли Бўстонликда жойлашган, бир пайтлар «туманнинг ўн учинчи хўжалиги» деб аталган Озод Шарофиддинов номли дала-боғ – «калҳўз» 25 йиллиги ҳамда унинг Раиси 75 ёшга тулиши муносабати билан чоп этилмоқда.
Олис юлдузлар шуъласи
Адиб сайланма асарларнинг ушбу биринчи жилдига унинг қаламига мансуб илк романи, адабиётимизнинг буюк дарғалари Ойбек, Абдулла Қаҳҳорларнинг ҳали кўпчилик нигоҳидан пана бўлган ҳаёт лаҳзалари тасвир этилган бадиа-қиссаси ҳамда «Шаҳар тегирмони» асари киритилган.
Осмон устуни
Дадахон Нурий «Оқшом қўшиқлари», «Боғларда баҳор», «Бегона» каби қиссалар китоби ҳамда қатор ҳикоялар муаллифи. У ҳаётнинг мураккабликларини одамларнинг ўзаро муносабатлари, турмуш можаролари орқали очишга интилади. Ёш ёзувчи ўзининг янги йирик асари «Осмон устуни»да оқкўнгил, бўш-баёв йигитнинг тасодифан тубан бир муҳитга тушиб қолган орқали икки хил ҳаётий муносабат тўқнашувини кўрсатади. Яхшилик ҳамиша барқарорлигини уқдиради.
Бегона
Дадахон Нурийнинг илк асари — «Оқшом қўшиқлари» лирик қиссасини китобхонлар илиқ кутиб олган эди. Унинг «Бегона» деб аталган иккинчи қиссаси Абдулла Қаҳҳордай талабчан адиб диққатини ўзига тортган, унинг тавсияси билан «Шарқ юлдузи» журналида эълон қилинган, сўнгра алоҳида китоб бўлиб босилиб чиққан. Диққатингизга ҳавола этилаётган роман, қисса ва ҳикоялар ҳам ўйлаймизки, ўз ўқувчиларини албатта топади.
Азим чинорлар паноҳи
Ёзувчи, публицист Дадахон Нурийнинг ушбу китобида адабиётимизнинг улуғ салафлари – меҳрибон ва мушрик устозлар муҳаббати билан эсланади, ўзига хос завқ, шавқ билан тасвирланади.