Нигина Ниёз
Список книг автора Нигина НиёзМен кўрган мўъжизалар
Баъзида инсон бошига мусибат тушиб, турмуш қаттиқликларидан қийналиб қолади. Оиладаги жанжал ва низоларнинг кети узилмайди. Шундай кезлари кимгадир ёрилгинг, дилдаги дардларингни айтиб, маслаҳат олгинг келади. Саврия опа сиз излаган ажойиб руҳий шифокор ҳамдир…
Арвоҳ жазман
Нигина Ниёзнинг ушбу тўпламига унинг мухлислар томонидан илиқ кутиб олинган «Севги шарпаси», «Хотинимни мен ўлдирмадим» сингари янги мистик қиссалари киритилган. Асар воқеалари сизни сирлилиги, ғаройиблиги билан ўзига ром этади.
Сеҳр ва тақдир 8
"Сеҳр ва тақдир" китоби аллақачон муҳлисларнинг севимли асарига айланган. Рисоланинг ушбу сони ҳам асосан ҳаётимизда учрайдиган сирли ҳодисаларга бағишланади. Бу сафар муаллиф «руҳият» рукнида асосан оилавий можароларни бартараф этиш ва бахтли оила қуриш учун нималарга эътибор қилиш кераклиги хусусида фикр юритади. Шунингдек, рисолада ноанъанавий даволаш усуллари ҳамда бехосият жойларнинг киши соғлиғига таъсири ва уларни бартараф этиш юзасидан мутахассис тавсияларини келтириб ўтади.
Савдойи қиз
"Савдойи қиз" ҳажвий қиссаси бош қаҳрамони Малоҳат оддий қишлоқ қизи. У ҳинд кино юлдузларидан бирини севиб қолади. Ота—она эса уни эрга беролмай хуноб. Қизнинг дарди фикри ўша артистда! «Савдойи қиз» ҳатто Ҳиндистонга бориб, севгани билан бирга суратга тушишни режалаштиради…
Электрон бола, ёвуз малика ва биз
Sinfingizda o'zga sayyoralik bola o'qiyotganidan va uning fazoviy kemasi borligidan xabar topsangiz nima qilgan bo'lardingiz? Ustiga ustak bolani militsionerlar ushlab ketib, kema qarovsiz qolsa-chi? Albatta, kema ichiga kirib, uning murvatlarini burab ko'rardingiz va…Yerlik bilmasvoylar Omon bilan Shodmon xuddi shu alpoz Ilmus sayyorasiga kelib qolishadi. Ammo o'zga sayyoradagi hayot ular orzu qilganday bo'lib chiqmaydi. Patnisda ovqat o'rniga nuqul misol-masala keltirishadi, ustiga ustak bolalarning «Poklik misoli»ni yecholmay, dorga osilishlariga bir bahya qoladi… Tuf-tufey! Xudo asrasin! Uyog'ini o'zingiz o'qib olarsiz…
Сеҳр ва тақдир 7
Инсон тақдири ҳамиша равон кечавермайди. Ҳаётда киши муаммоларга, нохуш ҳодисаларга ҳам дуч келади, дардга чалинади.Ушбу рисола инсон тақдири ҳақида. Агар инсон ҳаётдаги воқеаларни кузатса, уларни таҳлил эта билса, у тақдирини олдиндан била олади. Балки яхши амаллари, эзгу ишлари билан у тақдир ҳукмини ўзгартира олар?!
Сўнгги кун 2-китоб
Мен мухлислардан ушбу асарни фантастика, хаёлий роман сифатида қабул қилишларини сўраган бўлардим. Шунингдек, асардаги воқеалар баъзи мухлисларимиз тасаввуридан, билганларидан фарқ қилиши мумкин. Чунки бу бадиий асар, бир ижодкор тасаввуридир. Мен билганларимни, ўқиб тафаккур қилганларимни ёздим. Яна ҳам Аллоҳ билгувчидир!
Сўнгги кун 1-китоб
Америкалик киноматографчилар томонидан яратилган «Привидение» («Арвоҳ») филми ўзбек томошабинларини ҳам ҳаяжонга солган эди. Бош қаҳрамоннинг ҳалокатга учраши, танасини тарк этгач, ўлганлигини тушунмаслиги, суюклиси билан бўладиган учрашувлар ғоят қизиқарли, ишонарли қилиб суратга олинган. Адиба Нигина Ниёзнинг «Сўнгги кун» асари ҳам у дунёдаги ҳаёт ҳақида ишонарли, мароқли ҳикоя қилади.