Хамиджон Хомидий
Список книг автора Хамиджон ХомидийТасаввуф алломалари
Ушбу китоб кенг оммага мўлжалланган бўлиб, унда Шарқнинг буюк сўфий авлиёлари ҳаёги ва фаолияти хусусида лўнда маълумотлар ҳамда ҳикматларидан намуналар келтирилган. Тасаввуф асрлар давомида халқимиз маънавиятини бойитишга хизмат қилиб келган. Инсоннинг руҳий-ахлоқий покланиши илоҳий муҳаббат билан юксалиб бориши бу таълимотнинг асосий ғояларидир. Шу боис тасаввуф чуқур инсонпарварлик ғоялари билан омухта бўлиб ҳақиқат талабида юрган кишилар қалбига йўл топди. одамларнинг поклик, абадий ҳаёт, кўнгил ҳуррияти ҳақидаги орзуларини ифодалаб келди. Халқимиз сўфий дарвешларга ҳурмат-эҳтиром орқали Аллоҳга, унинг инсонни улуғлаган қудрати ва файзу футуҳига эътиқодларини изҳор этганлар.
Авестодан шоҳномага
Risolada muallifning «Avesto»ning yozilish tarixi, mohiyati, adabiy qimmati haqidagi eng so'nggi tadqiqotlari jamlangan. Bundan tashqari, «Avesto» va «Shohnoma», Firdavsiy va o'zbek adabiyoti masalalari ham tahlil qilingan. Kitob ilmiy xodimlar, aspirantlar hamda ma'naviyatimiz sarchashmalari bilan qiziquvchan keng ilm-adab ahliga mo'ljallangan.
Кўҳна шарқ дарғалари
Мазкур лавҳалар кенг китобхонлар оммасига донишманд боболаримиз ҳақида дастлабки маълумот беришга мўлжалланган. Улардан Зардушт, Самарқандий, Убайдий, Шарофиддин Роқимий, Муҳаммад Мурод Самарқандий, Муҳаммад Сиддиқ Рушдий сингари сиймолар ҳақидаги лавҳалар олдин бошқа китобларда битилмаган далиллар, дастхатлардаги маълумотлар асосида ёзилиб, илк бор китобхонлар эътиборига ҳавола қилинмоқда. Биз фикр юритган алломалар қайси халқ фарзанди бўлмасин, уларнинг ибратли ҳаёт йўли, боқий руҳи, бебаҳо ижодий мероси барча қавм ва авлодлар учун ҳамиша мўътабар ва ардоқлидир.
Олис – яқин юлдузлар
Ushbu kitob Sharq ilmi va madaniyatining buyuk namoyandalari Borbad Maivaziy, Abu Nasr Forobiy, Mahmud Koshg'ariy, Abu Rayhon Beruniy, Abdurahmon Jomiy, Mirzo Ulug'bek va boshqalar haqidagi ilmiy-badiiy lavhalardan tashkil topgan.Buyuk bobolaringizning fan, madaniyat, el-yurt ravnaqi yo'lidagi zahmatlari sizga ibrat bo'ladi, degan umiddamiz.