Cəmşid Əmirov
Список книг автора Cəmşid ƏmirovBrilyant məsələsi
Cəmşid Əmirovun müəllifi olduğu «Brilyant məsələsi» romanı Azərbaycan ədəbiyyatında detektiv roman janrının əsasını qoymuşdur. Müharibədən sonrakı Bakı həyatında hər şey var: narkotik, qumar, oğurluq, quldurluq, zorlama, qətl… Bütün bunları yaxşı təşkilatlanmış cinayətkar dəstə həyata keçirir. Onların başında dayanan Tapança Yədulla qorxunc olduğu qədər də maraqlı bir tipajdır. Cinayət işini araşdıran Əli Həsənovla Yədullanın köhnə tanışlıqları həqiqətin üzə çıxmasına necə əngəl törədir? Kitab bu iki parlaq obrazın şəxsində ədalətlə cinayətin savaşına həsr olunub. Bəs qalib kimdir? Əsərin baş qəhramanı olan hər iki cinayətkar – qumarbaz Yədulla və oğru Zerkola Klara obrazları real həyatdan götürülmüşdür.
Brilyant məsələsi
Azərbaycan ədəbiyyatında detektiv janrın banisi kimi tanınan Cəmşid Əmirov əlinizdə tutduğunuz bu kitabla yanaşı “Qara volqa”, “Şəhər yatarkən”, “Sahil əməliyyatı” əsərlərinin, “İstintaq davam edir” filminin ssenari müəllifidir. Cəmşid Əmirov 1962-ci ildə qələmə aldığı “Brilyant məsələsi” povestinin baş qəhrəmanlarını – qumarbaz Yədullanı və Zerkola Klaranı (Klara Yusifzadə, red.) əsərə real həyatdan gətirib. Povest boyunca oxucu bu mənfi obrazlarla, kapitan İsayevin timsalında onlara qarşı mübarizə aparan, aman vermədən onları təqib edən personajların başına gələnlərə şahidlik edirlər və bu müddətdə nə zaman baş verdiyini hiss etmədən gözlərini açarkən özlərini qarışıq cinayət hadisələrinin düz ortasında tapırlar. Əsərlərində dolğun həyat cizgilərinə önəmli yer ayıran yazıçının “Brilyant məsələsi”ndə də DTK (Dövlət Təhlükəsizlik Komitəsi; rusca КГБ, red.) sistemində çalışan yaxın dostlarının köməkliyi ilə (Cəmşid Əmirovun atası – Çingiz Əmirov Ədliyyə polkovniki idi, red.) arxivlərdə qorunan real istintaq materiallarına, habelə, təcridxanalardakı məhbusların ifadələrinə istinad etdiyini görmək mümkündür. Povestin kulminasiyalarına doğru Yədullanın sovet milisi tərəfindən ifşa olunmasından bəhs edən fəsillər maraqlı səhnələrdən biridir. Qumarbazın sonrakı taleyi necə olacaq? O, həbsdən qaçıb canını qurtara biləcəkmi? Mənzil oğurluğu ilə Klaranın əlaqəsi varmı? Ev sahibəsinin telefon danışıqları nə üçün dinlənilirdi? İttiham olunan şəxsin günahsız olduğu sübuta yetiriləcəkmi? Oxucular bütün suallara əsəri oxuyarkən cavab tapa biləcəklər.