ZABARJAD MEDIA

Все книги издательства ZABARJAD MEDIA


    Ирода кучи

    Келли Макгонигал

    Келли Макгонигал – фалсафа фанлар доктори, психолог ва Стенфорд университети профессори, инсоннинг руҳий ва жисмоний ҳолати ўртасидаги муносабатларниўрганишбўйичаетакчимутахассисдир. Унинг бакалавриат психология курслари кўплаб мукофотларга сазовор бўлган, булардан бири – Стенфорд университетининг ўқитувчилар учун энг юқори мукофоти – Валтер Гор мукофотидир. Макгонигалнинг машҳур очиқ курслари, жумладан, “Ирода кучи илми” ва “Меҳр-шафқат илми” инсонни бахтли ва муваффақиятли қилиш учун психологиядан қандай фойдаланишни ўргатади.

    Илон ўчи

    Мирмухсин Мирсаидов

    Мирмуҳсин ижодига бефарқ бўлмаган ўзбек китобхонлари кўп орамизда. Эътиборингизга ҳавола этилаётган 45 ҳикоядан иборат «Илон ўчи» романи адиб ижодининг гўзал намунаси, гултожи десак, адашмаймиз. Мирмуҳсин ушбу асарига нега рамзий ном берди? Одамлар орасида шундай тоифа борки, улар «инсон» деган шарафга муносиб эмаслар. Хатти-ҳаракатлари, гап-сўзлари орқали одамлар қалбини, керак бўлса, ҳаётини тамоман издан чиқарган, бировга ёмонлик қилмаса туролмайдиган қаҳрамонларини ёзувчи ана шундай атайди. «Илон ўчи» фақат инсонлар тақдиридан ҳикоя қилувчи асар бўлибгина қолмай, унда халқнинг асрий муаммолари ҳам қаламга олинган: тилимизнинг қадр-қиммати, аждодларимизнинг тарих саҳнасидаги муносиб ўрни, оила шаъни, эр ва аёл ўртасидаги муҳаббатни мустаҳкамловчи ришталар, севгининг инсон ҳаётидаги ҳал қилувчи роли ҳақидаги жиддий мулоҳазалар китобхонни ўйга толдиради. Романда кўтарилган муаммолар айни бугуннинг ҳам бош мавзуси бўлиб қолаётгани ўзини шу заминнинг чин фарзанди деб билган ҳар бир уйғоқ қалбли инсонни ҳушёр торттиради.

    Буюк Гэтсби

    Фрэнсис Скотт Фицджеральд

    Америкалик ёзувчи Фрэнсис Скотт Фицжеральд жаҳон адабиётида чуқур из қолдирган адиблардан бири ҳисобланади. Сизнинг эътиборингизга ҳавола этилаётган қуйидаги «Буюк Гэтсби» романида Америка ҳаёти тасвирланади, Гэтсби исмли йигит Дэзи номли қизни чин юракдан севиб қолади. Уруш сабабли севган қизини йўқотиб қўяди. Воқеалар тизими уларнинг айрилиши ва топишиши асосида кечади. Ушбу роман асосида ишланган бадиий фильм ҳам миллионларча томошабинлар меҳрини қозонгани боис, мазкур жаҳон адабиёти дурдонаси ўзбек китобхонларига тақдим этилмоқда.

    Тирилиш

    Лев Толстой

    "Киборлар жамиятининг аъзоси бўлган Нехлюдов никоҳланмаган ота-онадан туғилган, вояга етгач исловатхонадан паноҳ топган, охир-оқибат каторгага ҳукм қилинган Катерина Маслованинг тақдирида ўзини айбдор деб ҳисоблайди. Виждони олдида жавоб берар экан, у қизга яхшилик қилибгина ўзини маънавий азоблардан халос қилиши, керак бўлса унга уйланишга аҳд қилиши китобхонни инсон руҳининг нақадар улуғворлигини тан олишга чорлайди. Севимли адибимиз Асқад Мухтор таъбири билан айтганда, “Толстой – буюк халқнинг қалби ва овози, эзгулик ва мардлик тимсоли. У битмас-туганмас хазина, ҳамма жойда ҳозиру нозир виждон ҳакамидир. Бу – доимий ташналик, бир умр изланиш, руҳий безовталик. Қадимги юнонларнинг Гомер ҳақида айтган гапини Толстойга ҳам қўллаш мумкин: у шундай саховатли бойликки, қанча олишга қурбинг етса, шунча беради”

    Суперҳаёт! Ҳақиқий ҳаётга 30 кунда!

    Робин Шарма

    Бугун – Сизнинг янгиланган, Сизга уни бирор-бир ҳақиқатда гўзал ва умрбоқий нарсага айлантириб олишингиз учун берилган янги ҳаётингизнинг биринчи кунидир. Ҳеч бир ўтмиш келажакни белгилай олмайди, шундай экан, ҳаётингиздаги ижобий ўзгаришлар, бурилишлар киприк қоққулик муддатда содир бўлиши ҳеч гап эмас (албатта, агар ҳаёт тарзингизни энг юқори даражасигача олиб чиқишга бўлган қатъий қарорга эга бўлсангиз). Қаршингизда – ғолиблар учун дастур. Бу дастур билан қизиқаётганингиз ва китобимизни варақлаётганингизнинг ўзи Сизнинг кўпчилик оммадан ажралиб туришингизни исбот қилади. Шу билан бирга Сизда, ҳаётий камолотга эришиш йўлида, ўз онг, тана ва феъл-атворингиз устидан ғолиб ва ҳоким бўлишга қаратилган қатъий қарорингиз борлигини кўрсатади. Ўз-ўзини қайта кашф қилишга чорловчи бу чақириқни “Лаббай!” дея қарши олинг ва шахсий имкониятларингиз, қобилиятларингиз, хуллас, потенциалингиз бойликларига чўминг. Буюк бўлишга ва ниҳоят, журъат қилинг!

    Энг яхши дада!

    Тосимаса Оота

    Қўлингиздаги китоб «Япониялик ота-оналар» номли туркум нашрининг давоми ҳисобланади. Замонавий эр бўлиш мушкул иш, ота бўлиш эса янада мушкулроқ! Ушбу китобда ишдаги карьера ва оталик вазифасини ўзаро уйғунликда олиб бориш жараёнида муаммоларни бошдан кечираётган оталар учун оддий ва самарали маслаҳатлар жамланган. Япониялик муаллиф Тосимаса Оота вақт тиғизлигида қандай қилиб оталар фарзандлари билан мулоқот қила олиши, арзимас дақиқалар давомидаги суҳбат орқали қандай қилиб бола қалбидан жой олиш, қандай ўйинлар уйнаш мумкинлиги ҳақида ҳикоя қилади. Бу билан бола тарбияси қизиқарли ўйинга, ўта банд бўлган меҳнаткаш инсон эса, дунёдаги энг меҳрибон отага айланади.

    Моррининг сешанба дарслари

    Митч Элбом

    Ушбу китоб инсонни умрнинг ҳар лаҳзасидан унумли фойдаланишга, ўзгаларга меҳр улашишга, ҳар бир ўзгариш ва хатти-ҳаракатдан ҳикмат қидиришга, бир сўз билан айтганда, шунчаки яшамасликка ўргатади. Ёзувчи ёзиқлари орқали руҳ тетиклиги ҳар нарсага қодирлигини, руҳият кучли бўлса, инсон табиатини ҳам гўзаллаштириб боришини кўрсатиб ўтади. Мазкур асар орқали китобхон яқинларининг қадрини, соғлиқнинг нақадар зарурлигини, умрнинг қанчалик бебаҳолигини англайди ва ҳаётига ўзгача кўз билан қарай бошлайди.

    Uzunpaypoq Peppi

    Астрид Линдгрен

    Dunyodagi eng kuchli va eng betakror qiz bilan tanishishni istaysizmi? Uning aql bovar qilmas sarguzashtlariga guvoh bo‘lishni-chi? Unda, keling, sizni Uzunpaypoq Peppi bilan tanishtiramiz! Peppi hech kimga o‘xshamagan, yerga ursa osmonga sapchiydigan, sarguzashtsevar, serg‘ayrat, umuman olganda, ajoyib-u g‘aroyib qiz. Mazkur kitob esa sizga ana shu g‘aroyib qizaloq – Peppi haqida hikoya qiladi. Aytgancha, kitob ilk bor o‘zbek tilida taqdim etilmoqda va albatta u barchangizga manzur bo‘ladi, degan umiddamiz.

    Mio, bolajonim Mio

    Астрид Линдгрен

    Mio – asl ismi Bu Vilxelm Ulson bo‘lgan yigitcha. Tutingan ota-onasi bag‘riga sig‘dirmagan bolakay mo‘jiza sodir bo‘lib, o‘z otasi hukmronlik qiladigan yurt – Uzoq Mamlakatga borib qoladi. Bu yerda do‘stlar orttiradi, odamlarning bir-birlariga bo‘lgan mehr-muhabbatini ko‘rib, hayratga tushadi. Otasi har gal «Mio, bolajonim Mio», deya erkalaganda esa dunyoning eng baxtli bolalari qatorida ko‘radi o‘zini. Yovuz Kato esa Uzoq Mamlakatning eng katta dushmani. Qolaversa, u shu mamlakat bolalarining ko‘pchiligi yuragini toshga aylantirgan va ularni ota-onasidan judo qilgan. Yovuz Katoga qarshi jangga otlangan Mio o‘quvchi ko‘z o‘ngida haqiqiy qahramon sifatida gavdalanadi. Qo‘lingizdagi kitob ana shu kabi sarguzashtlarga boy va u ilk bora o‘zbek tilida nashr qilinmoqda.

    Oskar va pushti xonim

    Эрик-Эмманюэль Шмитт

    Oskar – saraton kasali bilan og‘rigan o‘n yoshli bolakay. Barcha urinishlar – dori-darmon, operatsiya ham uning umrini uzaytirishiga ozgina bo‘lsa-da umid yo‘q. Oskar hayot unga shafqat qilmasligini bola qalbi bilan his etadi. Ne tongki, hech qachon umidsizlikka tushmaydi. Najot farishtasi – kasalxonaning pushti kiyimdagi hamshirasi Roza buvi hamda qahramonimiz o‘rtasidagi suhbatlar asarning asosini tashkil etadi. Xudoga murojaat qilarkan, Oskar allaqachon hayotining yuz yilini mazmunli yashab o‘tgan minnatdor inson sifatida o‘quvchining yodiga muhrlanadi. Kitob ilk bor o‘zbek tilida nashr qilinmoqda.